ബാംഗ്ളൂർ: ടിപ്പു സുൽത്താന്റെ അനുയായികൾക്കെതിരെയുള്ള മത്സരമാണ് കർണ്ണാടകത്തിൽ നടക്കുന്നതെന്ന് കർണാടക ബിജെപി അദ്ധ്യക്ഷൻ നളിൻ കുമാർ കട്ടീൽ. കൊപ്പൽ ജില്ലയിലെ യെലബുർഗയിൽ നടത്തിയ പ്രസംഗത്തിലാണ് സംസ്ഥാന ബി.ജെ.പി അദ്ധ്യക്ഷന്റെ പരാമർശം.
ഞങ്ങൾ ടിപ്പു സന്തതികളല്ല, ടിപ്പുവിന്റെ അനുയായികളെ ഞങ്ങൾ തുരത്തും എന്നാണ് ബിജെപി കട്ടീൽ പറഞ്ഞത്. കർണാടകത്തിന് ടിപ്പു അനുകൂലികളെ വേണോ എന്ന് ജനങ്ങൾ തീരുമാനിക്കട്ടെയെന്നും കട്ടീൽ കൂട്ടിചേർത്തു.
നേരത്തെ ഇത്തവണത്തെ കർണാടക നിയമസഭാ തിരഞ്ഞെടുപ്പ് കോൺഗ്രസും ബിജെപിയും തമ്മിലല്ല, മറിച്ച് സവർക്കറുടെയും ടിപ്പുവിന്റെയും ആശയങ്ങൾ തമ്മിലായിരിക്കുമെന്ന് അദ്ദേഹം ശിവമോഗയിൽ പറഞ്ഞിരുന്നു.
