കുംഭമാസത്തിലെ കൃഷ്ണപക്ഷത്തിലെ ചതുർദ്ദശി തിഥിയിലാണ് ശിവരാത്രി ആഘോഷിക്കുന്നത്. ഈ വര്ഷം ഫെബ്രുവരി 18ന് ആണ് ശിവരാത്രി. ഈ വർഷത്തെ ശിവരാത്രി ഏറെ പ്രത്യേകതകൾ ഉള്ളതാണ്. ശനി പ്രദോഷവും ശിവരാത്രിയും ഒരുമിച്ചു വരുന്നു എന്നതാണ് അത്.
ശിവരാത്രി വൃതം ആചരിക്കുന്ന ചതുർദശി തിഥിയിൽ ജലപാനം പാടില്ല എന്നാണ് ആചാര്യ മതം. രാത്രിയടക്കം മുഴുവൻ ദിവസവും ഉറക്കമൊഴിച്ചും ശിവപൂജ ചെയ്യണം. കൂവളത്തില കൊണ്ട് ശിവപൂജ ശ്രേഷ്ഠമാണ്. പിറ്റേന്ന് രാവിലെയാണ് വ്രതസമാപ്തി . ശിവരാത്രി പിറ്റേന്ന് പിതൃബലി വിശേഷമാണ്
ശിവത്വത്തിന്റെ പ്രതീകമാണ് ഭസ്മം. രാവിലെ ജലത്തിൽ കുഴച്ചും ഉച്ചയ്ക്ക് ചന്ദനം ചേർത്തും വൈകിട്ട് ഉണങ്ങിയ ഭസ്മവും ആണ് ധരിക്കേണ്ടത്. ആദിത്യ- ശനി ദശാ അപഹാര കാലങ്ങളിലും ഏഴരശനി, കണ്ടകശനി എന്നിവയിലും നിത്യവും വൈകുന്നേരം “ഓം നമഃ ശിവായ” എന്ന പഞ്ചാക്ഷര മന്ത്രം ജപിച്ച് ഭസ്മം ധരിക്കുന്നത് ദോഷപരിഹാരത്തിന് ഉത്തമമാണ്
പ്രദോഷവൃതം എടുക്കുന്നത് ശിവ പ്രീതിക്ക് ഉത്തമമാണ്. ത്രയോദശി സന്ധ്യയ്ക്ക് ഈ വൃതം അനുഷ്ഠിക്കുന്നത് അത്യുത്തമം ആണ്.
ദാരിദ്ര്യം, ദുഃഖ,ശത്രു ദോഷം എന്നിവ നശിക്കും. സന്താന ലാഭം,ഐശ്വര്യം, ആയുസ്സ് എന്നീ ഫലങ്ങളും ലഭിക്കുന്നതാണ്. പ്രാഭാതത്തിൽ ശിവക്ഷേത്ര ദർശനം നടത്തണം. പകൽ സമയം ഉപവാസം അനുഷ്ടിച്ചു കൊണ്ട് പഞ്ചാക്ഷരമന്ത്രം ജപിക്കണം. വൈകുന്നേരവും ശിവക്ഷേത്രദർശനം നടത്തി ശിവമന്ത്രപാരായണതോട് കൂടി വേണം വ്രതസമാപ്തി വരുത്തേണ്ടത്.
പുണർതം, പൂയം, ആയില്യം, മകം, പൂരം, അനിഴം, തൃക്കേട്ട, ഉത്രാടം, തിരുവോണം, അവിട്ടം, ചതയം, പൂരൂരുട്ടാതി, രേവതി എന്നീ നക്ഷത്രങ്ങങ്ങളിലും, ഉത്രം ആദ്യ കാലും, വിശാഖം അവസാനകാലിലും ജനിച്ചവരും ഈ ശിവരാത്രി വൃതം ആചരിക്കുന്നത് അവരുടെ ഇപ്പോഴത്തെ ദുരിതങ്ങൾ കുറയാൻ ഉപകാരപ്പെടും.
ജയറാണി ഈ വി .
പാരമ്പര്യ ജ്യോതിഷ കുടുംബത്തിലെ അംഗം . ഇരുപതിലേറെ വർഷമായി ജ്യോതിഷം സംഖ്യാശാസ്ത്രം വാസ്തു ആചാര അനുഷ്ഠാനവിഷയങ്ങൾ കൈകാര്യം ചെയ്യുന്നു .
Watsap No : 9746812212
