സഹോദരാ എന്ന് വിളിച്ചിരുന്ന ഫഹദ് അഹമ്മദിനെയാണ് സ്വരാഭാസ്കർ ഭർത്താവാക്കിയതെന്ന് സമൂഹ മാദ്ധ്യങ്ങൾ. ബോളിവുഡ് താരം സ്വര ഭാസ്കറിന്റെയും ഫഹദ് അഹമ്മദിന്റെയും വിവാഹം ഇസ്ലാമികമായി അസാധുവാണെന്ന വിവാദത്തിന് പിന്നാലെയാണ് പഴയ പോസ്റ്റ് സമൂഹ മാദ്ധ്യമങ്ങളിൽ ചർച്ചയാകുന്നത്. ഫഹദിനെ സഹോദരാ എന്ന് വിളിച്ച് കൊണ്ടുള്ള നിരവധി ട്വീറ്റുകൾ സ്വര തന്നെ പങ്ക് വെച്ചിരുന്നു. സഹോദരനും സഹോദരിക്കും വിവാഹാശംസകൾ, സഹോദരനെയാണോ കല്യാണം കഴിച്ചത് എന്നിങ്ങനെയാണ് കമന്റുകൾ.
ഫഹദിന്റെ പിറന്നാൾ ദിനത്തിൽ സഹോദരന് പിറന്നാൾ ആശംസകൾ എന്നാണ് എഴുതിയിരുന്നത്. ‘ഹാപ്പി ബർത്ത് ഡേ ഫഹദ് മിയാൻ, എന്റെ സഹോദരന്റെ ആത്മവിശ്വാസം എന്നും തുടരാൻ സാധിക്കട്ടെ. സന്തോഷത്തോടെയിരിക്കുക. നിനക്ക് പ്രായമാവുകയാണ്. ഇനി വിവാഹം കഴിക്കൂ. നല്ലൊരു ജന്മദിനവും ഗംഭീരമായ വർഷവും ആശംസിക്കുകയാണ് എന്നായിരുന്നു സ്വരയുടെ ട്വീറ്റ്. ഫഹദിനൊപ്പമുള്ള ചിത്രവും സ്വര പങ്കുവച്ചിരുന്നു. ഇതിന് മറുപടിയായി എന്റെ വിവാഹത്തിന് വരുമെന്ന് നീ വാക്കു തന്നതാണെന്നും ഞാൻ ഒരു പെൺകുട്ടിയെ കണ്ടെത്തിയെന്നുമായിരുന്നു ഫഹദിന്റെ പറയുന്നത്.
ബോളിവുഡ് താരം സ്വര ഭാസ്ക്കറും സമാജ്വാദി പാർട്ടി നേതാവ് ഫഹദ് അഹമ്മദും കഴിഞ്ഞ ദിവസം വിവാഹിതരായിരുന്നു. നീണ്ടനാളത്തെ പ്രണയത്തിനുശേഷം ഇരുവരും വിവാഹിതരായെന്നായിരുന്നു വാർത്തകൾ. സഹോദരാ എന്ന് വിളിച്ചാണോ ദീർഘ കാലം പ്രണയിച്ചത് എന്ന സംശയമാണ് സമൂഹ മാദ്ധ്യമങ്ങൾക്കുള്ളത്.
