തടി വെക്കാൻ പ്രധാന കാരണം കലോറി കൂടുന്നതാണെന്ന് കേൾക്കാത്തവർ ചുരുക്കമായിരിക്കുമല്ലേ.. തടി! തടി! ഈ വണ്ണം കുറയ്ക്കാൻ പെടാ പാട് പെടുന്നവർക്ക് സഹായകമാകുന്ന ഒന്നാണ് വറ്റൽ മുളക് അഥവാ ചുവന്ന മുളക്. അതെ നാം നിസാരമായി തള്ളി കളയുന്ന ചുവന്ന മുളക് ശരീരത്തിലെ കലോറി കുറയ്ക്കുമെന്ന് പഠനങ്ങൾ വ്യക്തമാക്കുന്നു.
മുളകിൽ അടങ്ങിയിരിക്കുന്ന ‘കാപ്സെയ്സിൻ’ എന്ന പദാർത്ഥമാണ് ഇതിന് സഹായിക്കുന്നത്. മുളക് കഴിക്കുന്നതിലൂടെ ഈ പദാർത്ഥം സ്വാഭാവികമായി ഹൃദയമിടിപ്പ് വർദ്ധിപ്പിക്കുന്നു. അതുവഴി ചർമ്മത്തിലേക്കുള്ള രക്തത്തിന്റെ ഒഴുക്ക് വർദ്ധിപ്പിക്കുന്നു. ഇതിന്റെ ഫലമായി ശരീരം വിയർക്കാനും തുടങ്ങുന്നു. കാപ്സെയ്സിന് ആന്തരികമായി ശരീരോഷ്മാവിനെ നിയന്ത്രിച്ച് നിർത്താനുള്ള ശേഷിയുണ്ട്. അതുകൊണ്ടാണ് പലപ്പോഴും ചൂടും അനുഭവപ്പെടുന്നത്.
മുളക് കഴിച്ചതിന് ശേഷം വയറ്റിലും കുടലിലും ചെറിയ രീതിയിലുണ്ടാകുന്ന അസ്വസ്ഥതകൾ വിശപ്പ് കുറയ്ക്കുന്നതിന് സഹായിക്കും. കൂടാതെ തന്നെ കൊഴുപ്പ് കൂടുതൽ അടങ്ങിയ ഭക്ഷണങ്ങളോടുള്ള ആസ്ക്തിയും കുറയ്ക്കുന്നു. സ്ഥിരമായി ചുവന്ന മുളക് ശീലമാക്കുന്നവരിൽ 50 കലോറിയിലധികം കൊഴുപ്പാണ് എരിയിച്ച് കളയുന്നത്.
നിരവധി ആരോഗ്യ ഗുണങ്ങളുടെ കലവറയാണ് ചുവന്ന മുളക്. ഫൈബർ, ഫോളേറ്റ്, ഇരുമ്പ്, മഗ്നീഷ്യം, ഫോസ്ഫറസ്, ചെമ്പ് എന്നിവയുടെ മികച്ച ഉറവിടമാണ് വറ്റൽ മുളക്. ഭക്ഷണത്തിൽ മുളക് ചേർക്കുന്നത് എ, സി, കെ, ബി 6, പൊട്ടാസ്യം, മാംഗനീസ് എന്നിവയുൾപ്പെടെയുള്ള വിറ്റാമിനുകൾ ധാരാളമായി ശരീരത്തിന് ലഭിക്കുവാൻ സഹായകരമാകുന്നു. പച്ചമുളകിലെ കാപ്സെയ്സിൻ സമൃദ്ധമായി മൂക്കിന്റെ മ്യൂക്കസ് ചർമ്മത്തെ ഉത്തേജിപ്പിക്കുന്നു. ഇത് ചർമ്മത്തിലൂടെയുള്ള രക്തപ്രവാഹത്തെ പ്രോത്സാഹിപ്പിക്കുകയും കഫത്തിന്റെ സ്രവങ്ങളെ നേർത്തതാക്കുകയും ചെയ്യുന്നു. ഇതിനാൽ ജലദോഷം അല്ലെങ്കിൽ സൈനസ് അണുബാധകൾക്കെതിരെ പോരാടുന്നതിന് പച്ചമുളക് നമുക്ക് ഏറെ ഗുണം ചെയ്യും.
Comments