ബെംഗളൂരു : ധനകാര്യ മന്ത്രി നിർമ്മല സീതാരാമൻ ജാപ്പനീസ് സഹമന്ത്രി ഷുനിച്ചി സുസുക്കിയുമായി കൂടിക്കാഴ്ച നടത്തി. ധനകാര്യമന്ത്രിമാരുടെയും സെൻട്രൽ ബാങ്ക് ഗവർണർമാരുടെയും ജി20-യുടെ ആദ്യ യോഗത്തിന് മൂന്നോടിയായാണ് കൂടിക്കാഴ്ച.
‘ജി- 20 ഫിനാൻസ്ട്രാക്ക് 2023’ കീഴിൽ സാമ്പത്തികവുമായി ബന്ധപ്പെട്ട മുൻഗണനകളെ കുറിച്ചുള്ള വീക്ഷണങ്ങൾ കൈമാറിയതായി ധനകാര്യമന്ത്രാലയം ട്വിറ്ററിലൂടെ അറിയിച്ചു. എംഡിബി, കടവുമായി ബന്ധപ്പെട്ട പ്രശ്നങ്ങൾ പരിഹരിക്കൽ, ധനസഹായം നൽകൽ, ക്രിപ്റ്റോ ആസ്തികൾ മെച്ചപ്പെടുത്തുന്നതിനുള്ള ഏകോപിതനയം എന്നിവയാണ് ലക്ഷ്യമിടുന്നത്. ഇതിനായി ഇൻഡോ – ജപ്പാൻ സഹകരണം ഉണ്ടാവണമെന്നാണ് ധനകാര്യ മന്ത്രാലയം ട്വീറ്റ് ചെയ്തത്.
ജി -20 അദ്ധ്യക്ഷപദം അലങ്കരിക്കുന്ന ഇന്ത്യക്ക് എല്ലാവിധ സഹകരണവും ഉണ്ടാവുമെന്ന് ജാപ്പനീസ് മന്ത്രി അറിയിച്ചു. ഇന്ത്യയുടെ ജി-20 അദ്ധ്യക്ഷതയ്ക്ക് കീഴിലെ രണ്ടാമത്തെ സാമ്പത്തിക യോഗമാണ് നടക്കുന്നത്. ബുധനാഴ്ചയാണ് യോഗം ആരംഭിച്ചത്. ഇതിന് ശേഷം ധനകാര്യമന്ത്രിമാരുടെയും കേന്ദ്ര ഗവർണർമാരുടെയും യോഗം നാളെ ആരംഭിക്കും.ഇന്ത്യയിൽ നിന്ന് ധനകാര്യമന്ത്രി നിർമ്മല സീതാരാമനും ആർബിഐ ഗവർണർ ശക്തികാന്ത ദാസും സംയുക്തമായാണ് യോഗത്തിൽ പങ്കുചേരുന്നത്.
Comments