റായ്പൂർ: ഛത്തീസ്ഗഡിൽ നടന്ന ഭീകരാക്രമണത്തിൽ മൂന്ന് ജവാന്മാർക്ക് വീരമൃത്യു. കമ്യൂണിസ്റ്റ് ഭീകരരുടെ ആക്രമണത്തെ തുടർന്നുണ്ടായ ഏറ്റുമുട്ടലിൽ മൂന്ന് ഡിസ്ട്രിക്റ്റ് റിസർവ് ഗാർഡ് ഉദ്യോഗസ്ഥരാണ് വീരമൃത്യു വരിച്ചത്. രണ്ട് ജവാന്മാർക്ക് പരിക്കേൽക്കുകയും ചെയ്തിട്ടുണ്ട്. ഛത്തീസ്ഗഡിലെ കുണ്ഡേ, ജഗർഗുണ്ഡ മേഖലയിലാണ് ഏറ്റുമുട്ടലുണ്ടായത്. രാവിലെ എട്ടരയോടെയായിരുന്നു സംഭവം. ഛത്തീസ്ഗഡ് മുഖ്യമന്ത്രി ഭൂപേഷ് ബാഗേൽ ആക്രമണത്തെ അപലപിച്ചു. വീരമൃത്യു വരിച്ച മൂന്ന് ജവാന്മാരുടെ കുടുംബത്തിനും അനുശോചനം രേഖപ്പെടുത്തി. സംഭവസ്ഥലത്ത് ഭീകരർക്കായി തിരച്ചിൽ തുടരുകയാണെന്ന് പോലീസ് അറിയിച്ചു.
