ജയറാണി ഈ വി
രവിയും ബുധനും ശനിയും ഒരുമിച്ചു നില്കുന്നത് ബുധനു മൗഢ്യഭാവം നൽകുന്നു. സൗഹൃദങ്ങളിൽ മിത്രങ്ങൾ ശത്രുക്കൾ ആകുന്ന അവസ്ഥ ആണ്. അപകട മരണം, അഗ്നിഭയം, പ്രകൃതിക്ഷോഭം ഒക്കെ സംഭവിക്കാവുന്ന ഒരു കാലഘട്ടം ആണ് കടന്നു പോകുന്നത്. അപ്രതീക്ഷിതമായി ആയി ഭരണ മുന്നണിയിൽ അഴിമതി അല്ലെങ്കിൽ കുറ്റസമ്മതം നടത്താൻ സാധ്യതയുണ്ട്. കേരളത്തിൽ രാഷ്ട്രീയ രക്തച്ചൊരിച്ചിലിനും പകപോക്കലിനും സാധ്യത കാണുന്നു. ആയില്യം, മകം, പൂരം, ഉത്രം, അത്തം, ചിത്തിര നക്ഷത്രക്കാർപക്കാ പിറന്നാൾ വരുന്നവർ അമ്പലത്തിൽ പ്രാർത്ഥിച്ചു യഥാശക്തി വഴിപാട് കഴിപ്പിക്കുക.
ഓരോ നാളുകാരുടെയും പൊതു ഫലം താഴെ പറയുന്നു. ഓരോരുത്തരുടെയും ദശാപഹാര കാലം കൂടി പരിഗണിച്ചു വേണം ഫലം ആലോചിക്കാൻ.
അശ്വതി
കുടുംബ ബന്ധു ജനങ്ങളുമായി അഭിപ്രായ വ്യത്യാസം, മനോരോഗങ്ങൾ, ഈശ്വര വിശ്വാസകുറവ് എന്നിവ യ്ക്ക് സാധ്യത. ക്ഷമാശീലം അനിവാര്യമെന്നു തിരിച്ചറിയുക.
ഭരണി
മാതൃ ദുഖ൦, ഷെയർ ബിസിനെസ്സ്, ലോട്ടറികൾ എന്നിവയിൽ നിന്നും ധനനാശത്തിനു സാധ്യത. ആലോചിച്ചു മാത്രം ഗ്യാരണ്ടീ നിൽക്കുക.
കാർത്തിക
അഹങ്കാര സ്വഭാവം, നേത്ര രോഗം, ഏതെങ്കിലും രീതിയിൽ തടവ് എന്നിവ ചിലർക്ക് ഫലത്തിൽ വരാം.
രോഹിണി
പ്രവർത്തന മാന്ദ്യത, ഉഷ്ണ രോഗങ്ങൾ, വ്യവഹാരം ഒക്കെ വരാം. വിവാഹ സമയം അനുകൂലം എന്നിവ ഫലത്തിൽ വരാം.
മകയിര്യം
മികച്ച കാലം ആണ്. ധനനേട്ടം, വാഹനഭാഗ്യ൦ എന്നിവക്ക് സാധ്യത. എന്തുകാര്യങ്ങളിലും ഉറച്ച മനസോടെ ഇറങ്ങി പുറപ്പെടുക.
തിരുവാതിര
സൂക്ഷിക്കേണ്ട കാലം ആണ്. ജലഭയം, നേത്ര രോഗങ്ങൾ, തൊഴിൽ തടസ്സം എന്നിവക്ക് സാധ്യത. രാഷ്ട്രീയത്തിൽ ഉള്ളവർ കരുവാക്കപ്പെടാതെ ശ്രദ്ധിക്കുക.
പുണർതം
രോഗശാന്തി, സത് സുഹൃത്തുക്കൾ ഉണ്ടാവുക, കാര്യവിജയം എന്നിവ ചിലർക്ക് ഫലത്തിൽ വരാം.
പൂയം
ഭാര്യഭർത്തൃ ഐക്യം ,സർവ്വകാര്യ വിജയം, മനസുഖം എന്നിവ ഫലത്തിൽ വരാം. പിരിഞ്ഞു ജീവിക്കുന്നവർ ഒരുമിക്കാൻ സാധ്യത കാണുന്നു.
ആയില്യം
ത്വക്ക് സംബന്ധമായ പ്രശ്നം, വിദ്യാതടസം, മാനഹാനി എന്നിവക്ക് സാധ്യത. ജാതകത്തിൽ സർപ്പ ദോഷമുള്ളവർ വളരെയധികം സൂക്ഷിക്കുക.
മകം
വാഹന ഭാഗ്യ൦ കൈവരുന്ന സമയം ആണ്. കുടുംബത്തിൽ നിന്നും വിട്ടുമാറി താമസിക്കേണ്ട അവസ്ഥയുണ്ടാക്കാം. തൊഴിലിൽ കീർത്തി, കാര്യവിജയം എന്നിവ ഫലത്തിൽ വരാം
പൂരം
പുണ്യ തീർത്ഥ സ്ഥലങ്ങൾ സന്ദർശിക്കുവാൻ അവസരം വരും.ധന നേട്ടത്തിനു സാധ്യത. മാതാപിതാക്കൾക്ക് ഇഷ്ടമില്ലാത്ത വിവാഹം എന്നിവ ഫലത്തിൽ വരാം
ഉത്രം
ധനയോഗം, പ്രശസ്തി, സത്പുത്ര ഭാഗ്യ൦, ശത്രുഹാനി എന്നിവയ്ക് സാധ്യത. പക്കപ്പിറന്നാളിന് വൃതം ആചരിക്കുന്നത് ഗുണം ചെയ്യും.
അത്തം
വിവാഹം മൂലം ധനനേട്ടം, ജേഷ്ഠ സഹോദരന്മാർക്ക് ദോഷം, പ്രവർത്തന വിജയം ഫലത്തിൽ വരാം. ക്ഷേത്രത്തിൽ പോയി ഇഷ്ടദേവനോട് ദോഷ പരിഹാരത്തിനായി പ്രാർത്ഥിക്കുക.
ചിത്തിര
വിവാഹയോഗം, വിദേശവാസം, നാഡീക്ഷീണം എന്നിവക്ക് സാധ്യത. പൊതുവിൽ ആരോഗ്യം ശ്രദ്ധിക്കേണ്ട കാലം.
ചോതി
കുടുംബ സുഖം, തൊഴിൽ വിജയം, ആരോഗ്യം എന്നിവ ഫലത്തിൽ വരാം.
വിശാഖം
ഈശ്വര വിശ്വാസം, ആചാര അനുഷ്ട്ടാനങ്ങളിൽ താത്പര്യം, ധനഭാഗ്യയോഗം എന്നിവ ഫലത്തിൽ വരാം. മുടങ്ങിയ നേർച്ചകൾ ഉണ്ടെങ്കിൽ തീർക്കുക.
അനിഴം
ഐശ്വര്യമുള്ള കാലഘട്ടം ആണ്. എന്നാലും ചിലപ്പോൾ നേത്രരോഗം, ചിലർക്ക് ഉദരരോഗം എന്നിവ ഫലത്തിൽ വരാം
തൃക്കേട്ട
അർശ്ശസ്, ഗർഭാശയരോഗം, പിതാവിന് രോഗം എന്നിവ ഫലത്തിൽ വരാം. ഗർഭിണികൾ സൂക്ഷിക്കുക.
മൂലം
സത് ഭാര്യ, വീട്, വാഹനം, സാമ്പത്തിക പുരോഗതി എന്നിവക്ക് സാധ്യത. അഹങ്കാരം ബുദ്ധിയെ കീഴ്പെടുത്താതെ നോക്കുക.
പൂരാടം
സംസാര ചാതുര്യം, ഉന്നത വിദ്യാഭ്യാസം കീർത്തി എന്നിവ ഫലത്തിൽ വരാം.
ഉത്രാടം
സംഗീതം കൊണ്ട് നേട്ടം, രോഗങ്ങൾ അലട്ടിയേക്കാം, അവാർഡുകൾ കിട്ടാൻ സാധ്യത എന്നിവ ഫലത്തിൽ വരാം.
തിരുവോണം
വീഴ്ച്ച അല്ലെങ്കിൽ അപകടങ്ങൾ സംഭവിക്കുന്ന കാലംആണ്. ബന്ധു സുഖം കുറയും കലഹ സ്വഭാവം എന്നിവക്ക് സാധ്യത.
അവിട്ടം
പരാശ്രയം, മാതാവിന് രോഗദുരിതം, ധനനഷ്ട൦ എന്നിവക്ക് സാധ്യത. മാതാവിന്റെ ആരോഗ്യം ശ്രദ്ധിക്കുക.
ചതയം
കോപശീലം മൂലം എല്ലാവരാലും വെറുക്കപ്പെടുന്ന അവസ്ഥ ആണ്. യാത്രാക്ലേശം എന്നിവയും ഫലത്തിൽ വരാം.
പൂരൂരൂട്ടാതി
ധനനേട്ടം ,വിദേശവാസം ഒക്കെ ആണ് യോഗം. എന്തും വളരെ ആലോചിച് മാത്രം പ്രവർത്തിക്കുക
ഉതൃട്ടാതി
മനസുഖക്കുറവ്, കാര്യതടസം, വരവിൽ കവിഞ്ഞ ചെലവ് എന്നിവ ഫലത്തിൽ വരാം.
രേവതി
ശത്രുഹാനി, ധനക്ലേശം, മാന്ത്രിക വിദ്യയിൽ ഉന്നതി എന്നിവക്ക് സാധ്യത.
ജയറാണി ഈ വി .
WhatsApp No : 9746812212
പാരമ്പര്യ ജ്യോതിഷ കുടുംബത്തിലെ അംഗം . ഇരുപതിലേറെ വർഷമായി ജ്യോതിഷം സംഖ്യാശാസ്ത്രം വാസ്തു ആചാര അനുഷ്ഠാന വിഷയങ്ങൾ കൈകാര്യം ചെയ്യുന്നു .
Weekly Prediction by Jayarani E.V / 2023 March 5 to March 11
