തിരുവനന്തപുരം : നാലാമത് ദേശീയ ഓപ്പൺ 400 മീറ്റർ ചാമ്പ്യൻഷിപ്പിൽ കേരളത്തിന്റെ അഭീമാന താരമായി വി. മുഹമ്മദ് അജ്മൽ. കാര്യവട്ടം എൽ എൻ സി പി ഇയിലെ ട്രാക്കിൽ നടന്ന പുരുഷന്മാരുടെ 400 മീറ്ററിലാണ് അജ്മൽ കേരളത്തിനായി സ്വർണം നേടിയത്. പാലക്കാട് നാരായമംഗലം വാരിയത്ത് തൊടിയിൽ വീട്ടിൽ കുഞ്ഞാലിയുടെയും ആസിയയുടെയും മകനാണ് അജ്മൽ.
കഴിഞ്ഞദിവസം ഹീറ്റ്‌സിൽ 48.37 സെക്കൻഡിൽ മൂന്നാം സ്ഥാനത്തായിരുന്ന അജ്മൽ ഫൈനലിൽ 46.90 സെക്കൻഡിൽ ഫിനിഷിങ് ലൈനിലെത്തി വിജയം കരസ്ഥമാക്കുകയായിരുന്നു. കഴിഞ്ഞ ദേശീയ ഗെയിംസിൽ 400 മീറ്ററിൽ മുമ്പും താരം റെക്കോർഡുമായി സ്വർണം നേടിയിരുന്നു.
മഹാരാഷ്‌ട്രയിൽ നിന്നെത്തിയ മത്സരാർത്ഥി രാഹുൽ രേശ് 57.51 സെക്കൻഡിൽ ഫിനിഷിങ് ലൈനിലെത്തി വെള്ളി കരസ്ഥമാക്കി. തമിഴ്‌നാട്ടിൽ നിന്നെത്തിയ ടി. സന്തോഷ് കുമാർ 47.52 സെക്കൻഡിൽ വെങ്കലവും കരസ്ഥമാക്കിയിരുന്നു.
Comments