തിരുവനന്തപുരം : സ്ത്രീകളുടെ ശബരിമലയിൽ പൊങ്കാല സമർപ്പിക്കാനെത്തിയത് ലക്ഷക്കണക്കിന് ഭക്തജനങ്ങൾ. രണ്ട് വർഷത്തെ കൊറോണയ്ക്ക് ശേഷം തലസ്ഥാനനഗരി ആറ്റുകാലമ്മയുടെ ശരണമന്ത്രങ്ങളാൽ ഭക്തിസാന്ദ്രമായിരിക്കുകായാണ്. എല്ലാ വർഷവും മുടങ്ങാതെ പൊങ്കാലയിടാനെത്തുന്ന സീമ ജി നായറും ഇക്കുറിയും പതിവ് തെറ്റിച്ചില്ല.
‘രണ്ട് വർഷത്തിന് ശേഷം വീട്ടിൽ നിന്നും മാറി അമ്മയുടെ മണ്ണിൽ പൊങ്കാലയിടുന്നതിൽ സന്തോഷമുണ്ട്. 20 വർഷത്തിലധികമായി പൊങ്കാല ഇടുന്നുണ്ട്.
പൊങ്കാലയിടുന്നതിന്റെ അനുഭവം പറഞ്ഞറിയിക്കാൻ സാധിക്കില്ല. ഒരു വർഷത്തെ കാത്തിരിപ്പിന് ശേഷം പൊങ്കാലയിടുമ്പോൾ ഹൃദയം തുടിക്കുണ്ട്. പൊങ്കാലയും തെരളിയുമാണ് ഇത്തവണ ദേവിക്ക് സമർപ്പിക്കുന്നത്. കുറച്ചുകാലം മുമ്പ് പൊങ്കാലയിടുന്നത് കാര്യ സാധ്യത്തിന് വേണ്ടിയായിരുന്നു. ശരണ്യയ്ക്കു വേണ്ടിയും അമ്മയ്ക്ക് വേണ്ടിയും പൊങ്കാലയിട്ടിരുന്നു. ഇപ്പോൾ കാര്യസാധ്യമെന്നതിൽ ഉപരി അമ്മയോടുള്ള സമർപ്പണമാണ് മനസ്സിൽ.’ സീമ ജി നായർ പറഞ്ഞു.
പത്തരക്ക് പണ്ടാര അടുപ്പിൽ തീ പകർന്നു. ഇത്തവണ പതിവിലേറെ സ്ത്രീഭക്തജനങ്ങളാണ് അനന്തപുരിയിലും പരിസരത്തും എത്തിയിരിക്കുന്നത്. പൊങ്കാലയ്ക്ക് ദിവസങ്ങൾക്ക് മുമ്പ് തന്നെ സ്ത്രീകൾ നഗരത്തിൽ എത്തിക്കഴിഞ്ഞിരുന്നു. കൂടാതെ സിനിമ താരങ്ങളും സീരിയൽ താരങ്ങളുമുൾപ്പടെ നിരവധി പ്രമുഖരാണ് പൊങ്കാല സമർപ്പിക്കുന്നതിന് എത്തിയത്.
Comments