ലോകമെങ്ങും വനിതാ ദിനം വിപുലമായി ആഘോഷിക്കപ്പെടുകയാണ്. അന്താരാഷ്ട്ര വനിതാ ദിനത്തോനുബന്ധിച്ച് നിരവധി താരങ്ങളാണ് തങ്ങളുടെ ജീവിതത്തിലെ സ്ത്രീകളെക്കുറിച്ച് കുറിപ്പുമായി എത്തുന്നത്. ഏറ്റവും പുതിയതായി ചലച്ചിത്ര നടൻ സലിം കുമാർ വനിതാ ദിനത്തില് ആശംസകളുമായി രംഗത്ത് എത്തിയിരിക്കുകയാണ്. അമ്മയെയും ഭാര്യയെയുമാണ് താൻ വനിതാ ദിനത്തില് ഓര്ക്കുന്നത് എന്നാണ് സലിം കുമാര് എഴുതിയിരിക്കുന്നത്. ഇത് സമുഹമാധ്യമത്തിൽ വൈറലാകുകയാണ്.
https://www.facebook.com/photo.php?fbid=756678722491681&set=a.195068185319407&type=3
“ജീവിതത്തിൽ ഞാൻ എന്റെ സങ്കടങ്ങൾ പറഞ്ഞു കരഞ്ഞിട്ടുള്ളത് രണ്ടു സ്ത്രീകളുടെ മുന്നിൽ മാത്രമാണ്. അതിലൊന്ന് എനിക്കായ് ജീവിച്ചു മരിച്ചു പോയ എന്റെ അമ്മയാണ്. മറ്റൊന്ന് എനിക്കായ് മരിച്ചു ജീവിക്കുന്ന എന്റെ ഭാര്യയാണ്. മറ്റുള്ളവരുടെ മുൻപിൽ ഒന്ന് സങ്കടപ്പെടാൻ പോലും വിട്ടു കൊടുക്കാത്ത ഇവരാണ് എന്റെ ശക്തി. ഇന്നീ വനിതാ ദിനത്തിലോർക്കാൻ ഇവരല്ലാതെ മറ്റാര്. ഈ ദിനം എന്റെ അമ്മയുടേതാണ്, എന്റെ ഭാര്യയുടെയാണ് . സന്തോഷകരമായ വനിതാ ദിന ആശംസകള്” എന്നുമാണ് സലിം കുമാര് എഴുതിയിരിക്കുന്നത്.
