പരസ്പരം നിറങ്ങൾ വാരി എറിഞ്ഞ് ഹോളി ആഘോഷിച്ച് ഇന്ത്യൻ ക്രിക്കറ്റ് ടീം അംഗങ്ങൾ; മതിമറന്ന് നൃത്തം ചെയ്ത് വിരാട് കോഹ്‌ലി

ന്യൂഡൽഹി: അഹമ്മദാബാദിൽ ഹോളി ആഘോഷിച്ച് ഇന്ത്യൻ ക്രിക്കറ്റ് ടീം അം​ഗങ്ങൾ. താരങ്ങൾ ഹോളി ആഘോഷിക്കുന്നതിന്റെ ചിത്രങ്ങൾ ബിസിസിഐ ട്വിറ്ററിൽ പങ്കുവെച്ചിട്ടുണ്ട്. വിരാട് കോഹ്‌ലിയും, ജഡേജയും കൂടാതെ ടീമിലെ മറ്റ് താരങ്ങളും ഡ്രസിങ് റൂമിലും ബസിലും ആഹ്ലാദത്തോടെ ഹോളി ആഘോഷിക്കുകയാണ്.

ബോർഡർ ​ഗവാസ്കർ ടെസ്റ്റ് പരമ്പരയിലെ നാലാമത്തെ മത്സരത്തിന് വേണ്ടി പരിശീലനം കഴിഞ്ഞതിന് ശേഷമാണ് താരങ്ങളുടെ ഹോളി ആഘോഷം. ‍ദൃശ്യങ്ങളിൽ ​ഗില്ലിന് പുറകിൽ നിന്ന് വിരാട് കോഹ്‌ലി നൃത്തം ചെയ്യുന്നത് കാണാം. ഡ്രസിങ് റൂമിലും ബസിലും പരസ്പരം കളർ പൊടികൾ വാരി എറിയുന്നതും കാണാം.

Happy Holi to all 🙌🇮🇳 pic.twitter.com/AHWWLI1ojl

— Virat Kohli (@imVkohli) March 7, 2023

രോഹിത് ശർമയും സൂര്യകുമാർ യാദവും ശുക്മാൻ ​ഗില്ലും കോഹ്‌ലിയും ആവേശഭരിതരായി ഹോളി ആഘോഷിക്കുന്നത് വീഡിയോയിൽ കാണാവുന്നതാണ്. ആ​ഘോഷത്തിന്റെ ചിത്രങ്ങൾ കോഹ്‌ലി തന്റെ ട്വിറ്റർ അക്കൗണ്ടിലും പങ്ക് വെച്ചിട്ടുണ്ട്.

ഇന്ത്യയും ഓസ്‌ട്രേലിയയും തമ്മിലുള്ള ടെസ്റ്റ് പരമ്പരയിലെ നാലാം ടെസ്റ്റ് നാളെ മുതൽ അഹമ്മദാബാദിലെ നരേന്ദ്ര മോദി സ്റ്റേഡിയത്തിൽ ആരംഭിക്കും.

Colours, smiles & more! 🥳 ☺️

Do not miss #TeamIndia’s Holi celebration in Ahmedabad 🎨 pic.twitter.com/jOAKsxayBA

— BCCI (@BCCI) March 8, 2023