ഡെറാഡൂൺ: ഉദ്ദംസിംഗ് നഗർ ജില്ലയിൽ ചകർപൂരിലെ വൻഖണ്ഡി മഹാദേവ ക്ഷേത്രത്തിൽ ദർശനം നടത്തി ഉത്തരാഖണ്ഡ് മുഖ്യമന്ത്രി പുഷ്കർ സിംഗ് ധാമി. സംസ്ഥാനത്തിന്റെ അഭിവൃദ്ധിയ്ക്കായി പ്രാർത്ഥിച്ചുവെന്ന് ധാമി ട്വിറ്ററിൽ കുറിച്ചു. ക്ഷേത്രദർശനത്തിന്റെ ചിത്രങ്ങളും ധാമി പങ്കുവെച്ചു.
‘ഹര ഹര മഹാദേവ! ഇന്ന് ചകർപൂരിലെ വൻഖണ്ഡി മഹാദേവ ക്ഷേത്രത്തിൽ പ്രാർത്ഥനകളും സമർപ്പണവും നടത്തി ശിവന്റെ അനുഗ്രഹം സ്വീകരിച്ചു. ഈ അവസരത്തിൽ, എല്ലാവരുടെയും സന്തോഷത്തിനും ഐശ്വര്യത്തിനും വേണ്ടിയും സംസ്ഥാനത്തിന്റെ പുരോഗതിയ്ക്ക് വോണ്ടിയും മഹാദേവനോട് പ്രാർത്ഥിച്ചു എന്നാണ് അദ്ദേഹം ട്വീറ്റ് ചെയ്തത്.
हर-हर महादेव !
आज वनखंडी महादेव मंदिर, चकरपुर में भगवान शिव का अभिषेक एवं पूजा-अर्चना कर आशीर्वाद प्राप्त किया। इस अवसर पर देवाधिदेव महादेव से समस्त प्रदेशवासियों के सुख-समृद्धि एवं प्रदेश की उन्नति हेतु कामना की। pic.twitter.com/izknBbqTzW
— Pushkar Singh Dhami (@pushkardhami) March 9, 2023
കഴിഞ്ഞ ചൊവ്വാഴ്ച ഡെറാഡൂണിൽ നടന്ന ജൻ ഔഷധി ദിവസ് 2023 പരിപാടിയിൽ മുഖ്യമന്ത്രി പങ്കെടുത്തിരുന്നു. ജൻ ഔഷധി പദ്ധതി ആവശ്യമുള്ളവർക്ക് താങ്ങാനാവുന്നതും ഗുണനിലവാരമുള്ളതുമായ മരുന്ന് ലഭ്യമാക്കിയിട്ടുണ്ടെന്നും പൗരന്മാർക്ക് ജീവിതം എളുപ്പമാക്കിയെന്നും സ്ത്രീകൾക്ക് ഒരു രൂപയ്ക്ക് സാനിറ്ററി പാഡ് നൽകുന്നുവെന്നും മുഖ്യമന്ത്രി ധാമി പറഞ്ഞു. സംസ്ഥാനത്തെ ദുഷ്കരമായ ഭൂപ്രദേശങ്ങളിലേക്കും മലയോര പ്രദേശങ്ങളിലേക്കും വിദൂരസ്ഥലങ്ങളിലേക്കും മിതമായ നിരക്കിൽ മരുന്നുകൾ അയയ്ക്കുന്നതിൽ ജൻ ഔഷധി ഫലപ്രദമാണെന്നും അദ്ദേഹം അഭിപ്രായപ്പെട്ടു.
ജൻ ഔഷധി തൊഴിലിനുള്ള ഒരു വഴിയാണ്. ഇന്ന് രാജ്യത്ത് 1000-ലധികം ജൻ ഔഷധി കേന്ദ്രങ്ങളുണ്ട്. ഈ പദ്ധതി പുരുഷന്മാർക്കും സ്ത്രീകൾക്കും കുട്ടികൾക്കും ഒരുപോലെ പ്രയോജനകരമാണ്. ജൻ ഔഷധി കേന്ദ്രങ്ങൾ ഇനിയും പുതിയ പഞ്ചായത്തുകളിൽ തുറക്കും. ഈ പദ്ധതിയിൽ സ്ത്രീകൾ മുന്നോട്ട് വന്ന് തൊഴിൽ നേടുന്നുവെന്ന് ഉറപ്പാക്കുമെന്നും ധാമി കൂട്ടിച്ചേർത്തു.
