ബംഗ്ളൂരു: സർക്കാരിന്റെ ഒന്നര വർഷത്തെ പ്രവർത്തനത്തിന് ജനങ്ങളുടെ പിന്തുണയുണ്ടെന്നും താഴെത്തട്ടിലും ബിജെപി ശക്തമാണെന്നും കർണാടക മുഖ്യമന്ത്രി ബസവരാജ് ബൊമ്മെ പറഞ്ഞു. താഴെത്തട്ടിലുള്ള സംവിധാനവും പ്രവർത്തകരുമാണ് ബിജെപിയുടെ ശക്തിയെന്ന് കർണാടക തിരഞ്ഞെടുപ്പിന് മുന്നോടിയായി നടക്കുന്ന മൂന്നാം ഘട്ടം പ്രചാരണ വേളയിൽ മുഖ്യമന്ത്രി പറഞ്ഞു.
കഴിഞ്ഞ എട്ടുവർഷത്തെ പ്രധാനമന്ത്രി നരേന്ദ്രമോദിയുടെയും കർണാടക മുൻ മുഖ്യമന്ത്രി ബിഎസ് യെദ്യൂരപ്പയുടെയും പ്രവർത്തനങ്ങൾക്ക് ജനങ്ങളിൽ നിന്നും മികച്ച പ്രതികരണമാണ് ലഭിച്ചത്. തന്റെ സർക്കാരിന്റെ ഒന്നര വർഷത്തെ പ്രവർത്തനത്തിനും ജനങ്ങളുടെ പിന്തുണ ലഭിച്ചെന്ന് അദ്ദേഹം ചൂണ്ടിക്കാട്ടി.
പൂർണ്ണ ഭൂരിപക്ഷത്തോടെ ബിജെപി അധികാരത്തിലെത്തുമെന്നും എംഎൽഎ മാരുടെ പ്രവർത്തനങ്ങൾ നിരീക്ഷിച്ച ശേഷമാകും ഇത്തവണ സ്ഥാനാർത്ഥിയാക്കുകയുള്ളു എന്നും ബൊമ്മെ തിരഞ്ഞെടുപ്പ് യോഗത്തിൽ വ്യക്തമാക്കി.
Comments