ഹൈദരാബാദ്: പാൻ ഇന്ത്യൻ തലത്തിൽ പുഷ്പയ്ക്ക് വൻ സ്വീകാര്യത നേടിയതോടെ നിരവധി അവസരങ്ങളാണ് അല്ലു അർജുവിനെ തേടി എത്തിയത്. ബോളിവുഡിൽ നിന്നും ഓഫറുകൾ വന്നിരുന്നു എന്നാണ് റിപ്പോർട്ടുകൾ. നടന്റെ അടുത്ത ചിത്രത്തിൽ വൻ പ്രതിഫലമാണ് വാങ്ങുന്നതെന്നാണ് പുതിയ വിവരം.
ടി-സീരീസിന്റെ അടുത്ത നിർമ്മാണ സംരംഭത്തിലൂടെയാണ് താരം ബോളിവുഡിൽ അരങ്ങേറ്റം കുറിക്കുന്നത്. സിനിമയ്ക്കായി താരം 125 കോടി പ്രതിഫലമായി വാങ്ങുമെന്നാണ് റിപ്പോർട്ടുകൾ. ഇതോടെ തെലുങ്കിൽ ഏറ്റവും കൂടുതൽ പ്രതിഫലം വാങ്ങുന്ന നടനെന്ന പട്ടം അല്ലുവിന് സ്വന്തമാകും.
പ്രതിഫലത്തിന്റെ കാര്യത്തിൽ അല്ലു പിന്നിലാക്കാൻ പോകുന്നത് പ്രഭാസിനെയാണ്. ഒരു ചിത്രത്തിന് പ്രഭാസ് 100 കോടി രൂപ ഈടാക്കുമെന്നാണ് സൂചനകൾ. ഇവര്ക്ക് പിന്നില് രാം ചരണും, ജൂനിയര് എന്ടിആറുമാണ്. ഇരുവരും ആര്ആര്ആര് എന്ന ചിത്രത്തിന് വേണ്ടി 75 കോടി വീതം പ്രതിഫലമായി വാങ്ങിയത്.
