ധനുഷ് നായകവേഷത്തിൽ തകർത്താടിയ ചിത്രമാണ് ‘വാത്തി’. മലയാളത്തിന്റെ പ്രിയതാരം സംയുക്തയാണ് ചിത്രത്തിൽ ധനുഷിന്റെ നായികയായി എത്തുന്നത്. മികച്ച പ്രതികരണമാണ് ചിത്രം പ്രദർശനത്തിനെത്തിയതോടെ തിയറ്ററുകളിൽ നിന്ന് ലഭിച്ചത്. ഇപ്പോഴിതാ ചിത്രം ഒടിടിയിലേക്കും എത്തുന്നുവെന്ന റിപ്പോർട്ടുകളാണ് പുറത്തു വരുന്നത്.
വെങ്കി അറ്റ്ലൂരിയുടെ സംവിധാനത്തിലും തിരക്കഥയിലും ഒരുങ്ങിയ ചിത്രം മാർച്ച് 17-ന് ഒടിടിയിൽ പ്രദർശനമാരംഭിക്കും. തമിഴകത്തെ മികച്ച നടൻ എന്ന സ്ഥാനം അടിവരയിട്ടുറപ്പിച്ച സിനിമയായിരുന്നു വാത്തി. ചിത്രം നെറ്റ്ഫ്ളിക്സിലാവും പ്രദർശിപ്പിക്കുക. ജി വി പ്രകാശിന്റെ സംവിധാനത്തിലാണ് ചിത്രത്തിലെ സംഗീതമൊരുങ്ങിയിരിക്കുന്നത്. ചിത്രത്തിന്റെ ഓഡിേേയാ റൈറ്റ്സ് 3.75 കോടി രൂപയ്ക്ക് ആദിത്യ മ്യൂസിക് സ്വന്തമാക്കിയിരുന്നു. വംശി എസും സായ് സൗജന്യയും ചേർന്നാണ് വാത്തിയുടെ നിർമ്മാണം നിർവഹിച്ചിരിക്കുന്നത്.
ധനുഷിന്റേതായി ‘നാനേ വരുവേൻ’ എന്ന ചിത്രമാണ് അടുത്തിടെ പ്രദർശനത്തിനെത്തിയത്. ധനുഷിന്റെ സഹോദരൻ സെൽവരാഘവന്റെ സംവിധാനത്തിലാണ് ചിത്രം ഒരുങ്ങിയത്. കൂടതെ ചിത്രത്തിൽ അതിഥി വേഷത്തിൽ താരം എത്തുന്നുമുണ്ട്. ഇന്ദുജയാണ് ചിത്രത്തിൽ ധനുഷിന്റെ നായികയായി എത്തുന്നത്.
Comments