ഇർവിനിലെ കാലിഫോർണിയ സർവകലാശാലയിലെ ശാസ്ത്രജ്ഞർ നടത്തിയ പഠനത്തിൽ വിദൂരഗ്രഹങ്ങളിലെ ‘ടെർമിനേറ്റർ സോണുകളിൽ’ അന്യഗ്രഹജീവികൾ ഉണ്ടെന്ന് കണ്ടെത്തൽ. ചില വിദൂര ഗ്രഹങ്ങളിലെ പ്രത്യേക ടെർമിനേറ്റർ സോണുകളിലാണ് ഇതിന് സാധ്യതയുള്ളത്. ചൂടും തണുപ്പും മിതമായ തോതിലുള്ള അനുകൂല കാലാവസ്ഥ നൽകുന്നവയാണ് ഇത്തരം ടെർമിനേറ്റർ സോണുകൾ. അവിടെ അന്യഗ്രഹജീവികൾക്ക് ഒളിച്ചിരിക്കാൻ സാധിക്കുമെന്ന് പഠനത്തിൽ പറയുന്നു.
സൗരയൂഥത്തിന് പുറത്തുള്ള വിവിധ എക്സോപ്ലാനറ്റുകളിൽ ചിലത് സ്വയം ഭ്രമണം ചെയ്യുന്നില്ല. അതിനാൽ അത്തരം ഗ്രഹങ്ങളുടെ ഒരു വശം മാത്രമേ നക്ഷത്രത്തിന് അഭിമുഖമായി വരികയുള്ളൂ. ഇതുമൂലം ഗ്രഹത്തിന്റെ മറുവശം സ്ഥിരമായി ഇരുട്ടിൽ തന്നെ തുടരുന്നു. പകലിനെയും രാത്രിയെയും വേർതിരിച്ചുകൊണ്ട് ഇത്തരം ഗ്രഹങ്ങൾക്ക് ചുറ്റും ഒരു രേഖയുണ്ടെന്നും ശാസ്ത്രജ്ഞർ കണ്ടെത്തിയിട്ടുണ്ട്. ഈ രേഖയെയാണ് ‘ടെർമിനേറ്റർ സോൺ’ എന്ന് വിളിക്കുന്നത്.
പകലെന്നും രാത്രിയെന്നും എക്സോപ്ലാനറ്റിനെ വിഭിക്കുന്ന രേഖയായി ഇത് പ്രവർത്തിക്കുന്നു. പകൽ പൊള്ളുന്ന ചൂടും രാത്രിയിൽ കനത്ത മഞ്ഞ് മൂടിയ അവസ്ഥയാകും ഇവിടെയെന്നാണ് കണ്ടെത്തൽ. ടെർമിനേറ്റർ സോണിൽ ദ്രാവക ജലം നിലനിർത്താൻ കഴിയുമെന്നതാണ് പഠനത്തിലെ പ്രധാന കണ്ടെത്തലെന്ന് ഗവേഷകർ കൂട്ടിച്ചേർത്തു.
Comments