ലക്നൗ: ആഗ്രയിൽ ഛത്രപതി ശിവജിയുടെ നൂറടി ഉയരമുള്ള പ്രതിമയും മ്യൂസിയവും സ്ഥാപിക്കാൻ യുപി സർക്കാർ തീരുമാനക്കുന്നെന്ന് ഉന്നത വിദ്യാഭ്യാസ മന്ത്രിയും ആഗ്ര എംഎൽഎയുമായ യോഗേന്ദ്ര ഉപാധ്യായ പറഞ്ഞു. ആഗ്രയിലെ കോത്തി മീന ബസാർ പ്രദേശത്തണ് മറാത്താ തലവൻ ഛത്രപതി ശിവജിയുടെ പ്രതിമയും മ്യൂസിയവും സ്ഥാപിക്കുന്നത്.
പ്രതിമയും മ്യൂസിയവും സ്ഥാപിക്കുന്നതിൽ ആഭ്യന്തര മന്ത്രി അമിത് ഷായും സംസ്ഥാന മന്ത്രി യോഗേന്ദ്ര ഉപാധ്യായയും സ്മാരകത്തെ സംബന്ധിച്ച് നിരവധി യോഗങ്ങൾ ചേർന്നിരുന്നു. ഇന്ത്യൻ ഭരണാധികാരിയും ബോൺസ്ലെ മറാത്ത വംശത്തിലെ അംഗവുമായിരുന്ന ശിവജിയെ തടവിലാക്കിയ സ്ഥലമായിരുന്നു ആഗ്ര കോട്ടയെന്നാണ് കരുതപ്പെടുന്നത്. ആഗ്ര കോട്ടയിൽ നിന്ന് കിലോമീറ്ററുകൾ മാറി കോത്തി മീന ബസാറിലാണ് മ്യൂസിയം സ്ഥാപിക്കാൻ പദ്ധതിയിടുന്നത്.
കോത്തി മീന ബസാറില മാളികയുടെ വലിയ ഹാളുകളാണ് മ്യൂസിയമാക്കി മാറ്റുന്നത്. ശിവജിയുടെ ജീവിതത്തിലെ പ്രചോദനാത്മകമായ സംഭവങ്ങൾ ലൈറ്റ് ആൻഡ് സൗണ്ട് പരിപാടിയിലൂടെ ബസാർ ഗ്രൗണ്ടിൽ കാണിക്കുമെന്നും ഉപാധ്യായ പറഞ്ഞു. എല്ലാ വർഷവും ഓഗസ്റ്റ് 17-ന് കോത്തി മീന ബസാർ മുതൽ റായ്ഗഢ് വരെ യാത്ര നടത്താനും പദ്ധതിയുണ്ടെന്ന് അദ്ദേഹം കൂട്ടിച്ചേർത്തു.
അഴിമതിയ്ക്കും രാജ്യദ്രോഹത്തിനുമെതിരെ അക്ഷീണം പ്രവർത്തിച്ച വ്യക്തിയാണ് ഛത്രപതി ശിവജി. ഭരണാധികാരി എന്ന നിലയിൽ സമൂഹത്തിൽ വിപ്ലവകരമായ മാറ്റങ്ങൾ സൃഷ്ടിക്കാൻ അദ്ദേഹത്തിന് സാധിച്ചിട്ടുണ്ട്. ആത്മവിശ്വാസം നഷ്ടപ്പെട്ട ഒരു ജനതയ്ക്ക് ആത്മവിശ്വാസം നൽകാൻ ശിവജിയ്ക്ക് കഴിഞ്ഞിരുന്നു. ഹിന്ദു നവോത്ഥാനത്തിന്റെ തുടക്കവും ശിവജിയിൽ നിന്നായിരുന്നു. രാഷ്ട്രത്തിന്റെ ഉയർച്ച മാത്രമായിരുന്നു ഛത്രപതി ശിവജിയുടെ ലക്ഷ്യം.
Comments