ദീർഘകാലത്തേക്ക് ഉറപ്പുള്ളൊരു വരുമാനമാണ് ലക്ഷ്യമിടുന്നതെങ്കിൽ ഏറ്റവും നല്ല മാർഗ്ഗം പോസ്റ്റ് ഓഫീസ് ബാങ്ക് സ്കീമുകളിൽ നിക്ഷേപിക്കുന്നതാണ്. മറ്റേതൊരു ബാങ്ക് നൽകുന്നതിനേക്കാളും മികച്ച സ്കീമുകളാണ് പോസ്റ്റോഫീസ് ജനങ്ങൾക്ക് നൽകുന്നത്. കൂടാതെ നിക്ഷേപകർക്ക് ആകർഷകമായ പലിശ നിരക്കുകളും ലഭിക്കുന്നു. പോസ്റ്റ് ഓഫീസ് പബ്ലിക് പ്രൊവിഡന്റ് ഫണ്ട് (പിപിഎഫ്), സുകന്യ സമൃദ്ധി യോജന, സീനിയർ സിറ്റിസൺ സേവിംഗ്സ് സ്കീം (എസ്സിഎസ്എസ്) തുടങ്ങിയ സ്കീമുകൾ 7 ശതമാനത്തിൽ കൂടുതൽ പലിശ വരുമാനം നേടാനാകുന്ന മികച്ച ചില പദ്ധതികളാണ്.
പോസ്റ്റ് ഓഫീസ് നൽകുന്ന മറ്റൊരു ജനപ്രിയ പദ്ധതിയായ കിസാൻ വികാസ് പത്ര. ഈ സ്കീമിൽ പണം നിക്ഷേപിക്കുന്നതിലൂടെ പ്രതിവർഷം 6.9 ശതമാനം കൂട്ടുപലിശ ലഭിക്കുന്നു. കിസാൻ വികാസ് പത്ര സ്കീമിന് കീഴിൽ നിലവിൽ ലഭിക്കുന്ന പലിശ നിരക്കിലൂടെ 10 വർഷവും 4 മാസവും കൊണ്ട് നിക്ഷേപകർക്ക് തങ്ങളുടെ നിക്ഷേപ തുക ഇരട്ടിയാക്കാൻ സാധിക്കും. വികാസ് പത്ര സ്കീമിൽ നിക്ഷേപിച്ചാൽ 124 മാസം കൊണ്ട് പലിശ മാത്രം 2 ലക്ഷമായി ഉയരും. കിസാൻ വികാസ് പത്ര പദ്ധതി നിലവിൽ 6.9% പലിശനിരക്കാണ് നിക്ഷേപകർക്ക് വാഗ്ദാനം ചെയ്യുന്നത്. ഇന്ന് ലഭിക്കുന്ന പല ബാങ്ക് സ്ഥിരനിക്ഷേപങ്ങളേക്കാളും കൂടിയ പലിശ നിരക്കാണിത്.
കിസാൻ വികാസ് പത്ര സ്കീമിൽ നിക്ഷേപിക്കാൻ സാധിക്കുന്ന കുറഞ്ഞ തുക 1000 രൂപയാണ്. തുടർന്ന് മാസത്തിൽ 100 രൂപയുടെ ഗുണിതങ്ങൾ നിക്ഷേപിക്കാം. ഈ സ്കീമിന് കീഴിലുള്ള നിക്ഷേപത്തിന് പരമാവധി പരിധിയില്ല എന്നതും ഒരു പ്രത്യേകതയാണ്. സ്കീമിൽ നിക്ഷേപിച്ച തുക ധനമന്ത്രാലയം നിർദ്ദേശിക്കുന്ന കാലയളവ് അനുസരിച്ചായിരിക്കും കാലാവധി പൂർത്തിയാക്കുന്നത്. ഇന്ന് നിക്ഷേപിച്ചാൽ അത് 124 മാസത്തിന് ശേഷമായിരിക്കും കാലാവധി പൂർത്തിയാക്കുന്നത്. നിക്ഷേപകൻ മരണപ്പെടുന്ന സാഹചര്യങ്ങളിൽ പിൻവലിക്കൽ അനുവദനീയമാണ്. അതുപോലെ തുടർന്ന് പോകുന്നുണ്ടെങ്കിൽ അക്കൗണ്ട് ജോയിന്റ് ഹോൾഡർക്ക് കൈമാറാവുന്നതാണ്. നിബദ്ധനകൾ ബാധകമായിരിക്കും
Comments