ബിജെപിയുടെ ഗുജറാത്ത് വിജയം: പ്രധാനമന്ത്രി നരേന്ദ്രമോദിയുടെ സ്വർണ്ണപ്രതിമ നിർമ്മിച്ച് സൂറത്തിലെ രാധിക ചെയിൻസ് ജ്വലറി

ഗുജറാത്ത്: പ്രധാനമന്ത്രി നരേന്ദ്രമോദിയുടെ സ്വർണ്ണപ്രതിമ നിർമ്മിച്ച് സൂറത്തിലെ രാധിക ചെയിൻസ് ജ്വലറി. സംസ്ഥാന നിയമസഭാ തിരഞ്ഞെടുപ്പിൽ ബിജെപി നേടിയ വൻ വിജയത്തിന്റെ ഓർമ്മയ്‌ക്കായാണ് പ്രധാനമന്ത്രി നരേന്ദ്ര മോദിയുടെ സുവർണ്ണ പ്രതിമ നിർമ്മിച്ചിരിക്കുന്നത്. 156 ഗ്രാം ഭാരമുള്ള 18 കാരറ്റ് സ്വർണ്ണത്തിലാണ് പ്രതിമ തയ്യാറാക്കിയത്. കഴിഞ്ഞ വർഷം ഡിസംബറിൽ നടന്ന തിരഞ്ഞെടുപ്പിൽ 182-ൽ 156 സീറ്റുകളും ബിജെപി നേടിയിരുന്നു. ഇതിന്റെ സ്മരണയ്‌ക്കായാണ് പ്രതിമ നിർമ്മിച്ചതെന്ന് ജ്വലറി ഉടമ ബസന്ത് ബോറ പറഞ്ഞു.

An artist made a 156-gram gold idol of PM Modi. The statue was included in the Bombay Gold Exhibition.@narendramodi @PMOIndia @narendramodi_in pic.twitter.com/Xi2JlU3Ka0

— Payal Mohindra (@payal_mohindra) January 14, 2023

പലർക്കും പ്രതിമ വാങ്ങാൻ താത്പ്പര്യമുണ്ട് എന്നാൽ വിൽക്കാൻ ഇതുവരെ തീരുമാനിച്ചിട്ടില്ലെന്ന് ബസന്ത് പറഞ്ഞു. 20 കരകൗശല വിദഗ്ധർ മൂന്ന് മാസമെടുത്താണ് ഇത് നിർമ്മിച്ചത്. 11 ലക്ഷം രൂപ വിലമതിക്കുന്ന സ്വർണമാണ് പ്രതിമ നിർമിക്കാൻ ഉപയോഗിച്ചതെന്നും ഡിസംബറിൽ പ്രതിമ തയ്യാറായെങ്കിലും, അതിന്റെ ഭാരം 156 ഗ്രാമിൽ കൂടുതലായിരുന്നു, എന്നാൽ ബിജെപി 156 സീറ്റുകൾ നേടിയെന്നറിഞ്ഞപ്പോൾ, കരകൗശല വിദഗ്ധർ ഭാരം കുറയ്‌ക്കാൻ ചില മാറ്റങ്ങൾ വരുത്തിയെന്നും അദ്ദേഹം പറഞ്ഞു.