ഭക്ഷണപ്രേമികളെ അത്ഭുപ്പെടുത്തുന്ന വ്യത്യസ്തമായ സ്പൈഡർമാൻ ദോശയുടെ വീഡിയോ സാമൂഹ്യമാദ്ധ്യമങ്ങളിൽ വീഡിയോ വൈറലാവുകയാണ്. ചെന്നൈയിലെ അണ്ണാ നഗറിലെ കോര ഫുഡ് സ്ട്രീറ്റിൽ നിന്നുമാണ് ഈ അത്യപൂർവ്വമായ കാഴ്ച.
പ്രത്യേക രീതിയിലാണ് ഈ ദോശ പാകം ചെയ്യുന്നത്. ചിലന്തി വലയുടെ ആകൃതിയിലുള്ള അച്ചുകളിൽ മാവ് ചേർത്ത് രണ്ട് ദോശ തവകളിൽ ഒഴിക്കും. അതിനുശേഷം ദോശയുടെ മേൽ എണ്ണ, മുട്ട, മസാല, ചീസ് എന്നിവ ചേർത്ത് അവ മടക്കി സാൻഡവിച്ചാക്കി മാറ്റുകയും ചെയ്യും. അവസാനം സോസ് ഉപേയോഗിച്ച് സ്മൈലിയുടെ രൂപത്തിലാക്കിയാണ് സ്പൈഡർമാൻ ദോശ വിളമ്പുന്നത്. ഭക്ഷണശാലയുടെ ഉടമയായ യുവതിയാണ് ഭക്ഷണ പ്രേമികൾ ഏറ്റെടുത്ത ചിലന്തി വലയുടെ ആകൃതിയിലുള്ള ഈ ദോശയുടെ പ്രധാനമായും പാകം ചെയ്യുന്നത്.
സ്പൈഡർമാൻ ദോശയുടെ രുചികരമായ സ്വാദ് ആസ്വാദിക്കാൻ നിരവധി ഭക്ഷണപ്രേമികളാണ് കടയിൽ എത്തുന്നത്. ദോശ തയ്യാറാക്കുന്നതിന്റെ വീഡിയോ ഇതിനോടകം 16.62 ദശലക്ഷം പേരാണ് ഇൻസ്റ്റാഗ്രാമിൽ കണ്ടിരിക്കുന്നത്.
