2018-ലെ മഹാപ്രളയം കേരളക്കരയെ ആകമാനം പിടിച്ചുകുലുക്കിയ സംഭവമായിരുന്നു. നിരവധി ആളുകൾ ഇന്നും പ്രളയത്തിന്റെ വിപത്തിൽ മുങ്ങി നിവർന്ന രക്തസാക്ഷികളാണ്. പ്രകൃതി ഒട്ടാകെ സംഹാരതാണ്ഡവത്തിൽ നിറഞ്ഞാടിയ ദിനങ്ങൾ. അവിടെ നിന്നും ഒത്തൊരുമയുടെ കരങ്ങൾ ചേർത്ത് കരകേറിയ ദിനങ്ങൾ. പ്രതിസന്ധിയുടെ നാൾ വഴികൾ ഒരിക്കൽ കൂടി എത്തുകയാണ് സിനിമയുടെ രൂപത്തിൽ.
ജൂഡ് ആന്റണി ജോസഫിന്റെ സംവിധാനത്തിൽ ഒരുങ്ങുന്ന 2018 എവരി വൺ ഈസ് എ ഹീറോ അണിയറയിൽ ചിത്രീകരണം പൂർത്തിയായി. ഏപ്രിൽ 21-ന് ചിത്രം പ്രേക്ഷകർക്ക് മുന്നിലെത്തും. മറ്റ് ചിത്രങ്ങളെ അപേക്ഷിച്ച് ഏറെ നാളുകൾ നീണ്ടതായിരുന്നു സിനിമയുടെ ചീത്രീകരണം. വൻതാരനിരയെ അണിനിരത്തി റിയലിസ്റ്റിക്കായാണ് പ്രളയ ദിവസങ്ങളെ പ്രേക്ഷകർക്ക് മുന്നിൽ എത്തിക്കുക. മുമ്പ് പൃഥ്വിരാജും ഫഹദ് ഫാസിലും പുറത്തിറക്കിയ ചിത്രത്തിന്റെ ഫസ്റ്റ് ലുക്ക് പോസ്റ്റർ സമൂഹമാദ്ധ്യമങ്ങളിൽ ഏറെ ശ്രദ്ധേയമായിരുന്നു.
വേണു കുന്നപ്പിള്ളി, സി.കെ പത്മകുമാർ, ആന്റോ ജോസഫ് എന്നിവർ ചേർന്നാണ് ചിത്രം നിർമ്മിച്ചിരിക്കുന്നത്. ടൊവിനോ തോമസ്, കുഞ്ചാക്കോ ബോബൻ, ആസിഫ് അലി, ഇന്ദ്രൻസ്, വിനീത് ശ്രീനിവാസൻ, കലൈയരസൻ, ലാൽ, നരേൻ, സുധീഷ്, സിദ്ദിഖ്, രഞ്ജി പണിക്കർ, അപർണ ബാലമുരളി, ശിവദ, വിനീതാ കോശി, തൻവി റാം തുടങ്ങി നിരവധി പേരാണ് ചിത്രത്തിൽ കേന്ദ്ര കഥാപാത്രങ്ങളെ അവതരിപ്പിക്കുന്നത്.
Comments