ന്യൂഡൽഹി: ജനംടിവി സംഘടിപ്പിക്കുന്ന ഗ്ലോബൽ എക്സലൻസ് പുരസ്കാര ചടങ്ങുമായി ബന്ധപ്പെട്ട് ഡൽഹിയിൽ നടന്ന റൈറ്റ് ടോക്ക് പരിപാടിയിൽ മുഖ്യാതിഥിയായി കേന്ദ്രമന്ത്രി മീനാക്ഷി ലേഖി. ശനിയാഴ്ച ഉച്ചയ്ക്ക് ആരംഭിച്ച പരിപാടിയിൽ കേരളത്തിലെ വ്യവസായ കൂട്ടായ്മയെ പ്രതിനിധീകരിച്ച് എത്തിയവരുമായി കേന്ദ്ര വിദേശകാര്യ സാംസ്കാരിക സഹമന്ത്രി സംവദിച്ചു. പ്രധാനമന്ത്രി നരേന്ദ്രമോദിയുടെ നേതൃത്വത്തിലുള്ള കേന്ദ്ര സർക്കാർ കേരളത്തിലെ ജനങ്ങൾക്ക് നൽകിയ വികസന സംരംഭങ്ങളെക്കുറിച്ച് ചർച്ച ചെയ്തുവെന്നും മീനാക്ഷി ലേഖി പ്രതികരിച്ചു.
ജനംടിവി സംഘടിപ്പിക്കുന്ന മൂന്നാമത് ഗ്ലോബൽ എക്സലൻസ് പുരസ്കാര ദാന ചടങ്ങ് ഞായറാഴ്ചയാണ് നടക്കുക. ഡൽഹിയിലെ അംബേദ്കർ ഇന്റർനാഷണൽ സെന്ററിൽ നടക്കുന്ന പരിപാടിയിൽ വാണിജ്യ വ്യവസായ മന്ത്രി പീയൂഷ് ഗോയൽ ഉൾപ്പെടെ നിരവധി പേർ പങ്കെടുക്കും. സാമൂഹ്യ, വ്യവസായ രംഗങ്ങളിൽ വ്യക്തിമുദ്ര പതിപ്പിച്ചവരെയാണ് ചടങ്ങിൽ ആദരിക്കുക. വൈകിട്ട് നാല് മണിയോടെയാണ് പരിപാടി.
Comments