മുംബൈ: മഹാരാഷ്ട്ര ടൂറിസം വകുപ്പ് സവർക്കറുടെ ജന്മ നാടായ നാസിക്കിലെ ഭാഗൂർ ഗ്രാമത്തിൽ വി ഡി സവർക്കർ തീം പാർക്ക് നിർമ്മിക്കുന്നു. സവർക്കർ ജയിൽവാസം അനുഭവിച്ച ബാരക്ക് പുന സ്യഷ്ടിക്കുന്നതിനോടൊപ്പം മ്യൂസിയവും നിർമ്മിക്കുമെന്ന് മഹാരാഷ്ട്ര ടൂറിസം മന്ത്രി മംഗൾ പ്രബോധ് ലോധ അറിയിച്ചു. മേയ് 21 മുതൽ 28 വരെ വീർ സവർക്കർ വാരം ആചരിക്കാനും തീരുമാനിച്ചു. പരിപാടിയുടെ ഭാഗമായി റാലി, ധീരത പുരസ്കാര സമ്മർപ്പണം തുടങ്ങിയവയും സംഘടിപ്പിക്കും.
കോൺഗ്രസ് നേതാവ് രാഹുലിന്റെ സവർക്കർ വിരുദ്ധ പരാമർശത്തിനെതിരെ രാജ്യത്തിന്റെ വിവിധയിടങ്ങളിൽ നിന്നും പ്രതിക്ഷേധം ഉയർന്നിരുന്നു. ബി ജെപിയും ഷിൻഡെ വിഭാഗവും ചേർന്ന് ഗൗരവ് യാത്രകൾക്ക് ഇന്നലെ തുടക്കമിട്ടിരുന്നു. സവർക്കറുടെ സംഭാവനകൾ വിവരിച്ച് പൊതുയോഗങ്ങൾ നടത്തുന്നതിനൊപ്പം സമൂഹ മാധ്യമങ്ങളിലും വ്യാപക പ്രചാരണം നടത്തും.
Comments