മെക്സികോ സിറ്റി: കുപ്രസിദ്ധ ഗുണ്ടാ സംഘത്തലവൻ ദീപക് ബോക്സർ പോലീസ് പിടിയിൽ. മെക്സിക്കോയിൽവെച്ച് ഡൽഹി പോലീസാണ് ദീപകിനെ അറസ്റ്റ് ചയ്തത്. രണ്ട് ദിവസത്തിനുള്ളിൽ ഇയാളെ ഇന്ത്യയിലേക്ക് കൊണ്ട് വരും.
ഗുണ്ടാ സംഘത്തലവന്മാരായ ലോറൻസ് ബിഷ്ണോയ്, ഗോൾഡി ബ്രാർ എന്നിവരുടെ സഹായത്തോടെ ദീപക് വിദേശത്തേക്ക് കടന്നിരുന്നു. ഇതേ തുടർന്ന് പോലീസ് നടത്തിയ അന്വേഷണത്തിലാണ് ദീപകിനെ മെക്സിക്കോയിൽ നിന്ന് പിടികൂടിയത്. ഡൽഹി പോലീസ് ദീപകിന്റെ തലയ്ക്ക് 3-ലക്ഷം രൂപ പാരിദോഷികം പ്രഖ്യാപിച്ച കുറ്റവാളിയാണ് ദീപക് ബോക്സർ.
ഗോഗി ഗുണ്ടാസംഘത്തിന്റെ തലവനാണ് 27-ക്കാരനായ ദീപക് ബോക്സർ. 2016-ൽ ജിതേന്ദർ ഗോഗിയെ ഹരിയാന പോലീസിന്റെ കസ്റ്റഡിയിൽനിന്ന് മോചിപ്പിച്ചതോടെയാണ് ഇയാൾ ശ്രദ്ധിക്കപ്പെട്ടത്. 2021-ൽ ഗുണ്ടാ സംഘത്തലവനായ ജിതേന്ദർ ഗോഗി കൊല്ലപ്പെട്ടതിനുശേഷമാണ് ഇയാൾ ഗുണ്ടാസംഘത്തിന്റെ തലവനായി മാറിയത്. ബിൽഡർ അമിത് ഗുപതയെ കൊലപ്പെടുത്തിയതിന്റെ ഉത്തരവാദിത്തം ദീപക് ഏറ്റെടുത്തിരുന്നു.
