ശ്രീനഗർ: ജമ്മുകശ്മിരിലെ വിവിധ പരിപാടികലിൽ പങ്കെടുത്ത് മുൻ ശ്രീലങ്കൻ ക്രിക്കറ്റ് താരം സനത് ജയസൂര്യ. ഇന്ത്യയിലെ യുവാക്കൾ അന്താരാഷ്ട്ര ക്രിക്കറ്റിൽ ഇന്ത്യക്കായി കളിക്കാൻ ആഗ്രഹിക്കുന്നതായി മുൻ ശ്രീലങ്കൻ താരം ജയസൂര്യ പറഞ്ഞു. കശ്മീരിലെ നിരവധി സ്ഥലങ്ങൾ സന്ദർശിച്ചു. നിരവധി കഴിവുള്ള യുവാക്കളെ കാണാൻ സാധിച്ചു. അവർക്കെല്ലാം ഇന്ത്യക്കായി പാഡണിയണമെന്നാണ് ആഗ്രഹമെന്നും ജയസൂര്യ പറഞ്ഞു. ശ്രീനഗറിലെ ഡൂൺ ഇന്റർനാഷണൽ സ്കൂളിൽ നടന്ന ചടങ്ങുകൾക്കു ശേഷം മാദ്ധ്യമങ്ങളോട് സംസാരിക്കുകയായിരുന്നു ജയസൂര്യ.
കശ്മീരിലെ നിരവധി സ്ഥലങ്ങൾ സന്ദർശിച്ചു. അവിടെയെല്ലാം ക്രിക്കറ്റിന് വലിയ സ്വീകാര്യതയാണുള്ളത്. ക്രിക്കറ്റിൽ ഭാവിയുള്ള നിരവധി യുവാക്കളെ കാണാൻ സാധിച്ചു. അവരെല്ലാം ആഗ്രഹിക്കുന്നത് ഇന്ത്യയ്ക്ക് വേണ്ടി അന്താരാഷ്ട്ര മത്സരങ്ങൾ കളിക്കണമെന്നാണ്. കശ്മീരിലെ എല്ലാഭാഗത്തും ഇതേ വികാരാമാണ് കാണാൻ സാധിച്ചത്. ജയസൂര്യ മാദ്ധ്യമങ്ങളോട് പറഞ്ഞു.
ജമ്മുകശ്മീരിൽ എത്തിയ ജയസൂര്യ നിരവധി പരിപാടികളിൽ പങ്കെടുത്തത്. ജമ്മുവിലെ ബിർല ഇന്റർനാഷണൽ സ്കൂളിൽ വിആർ ലാബ് ഉദ്ഘാനം നിർവഹിച്ചു. സ്കൂളിലെ ക്രിക്കറ്റ് അക്കാദമിയും അദ്ദേഹം ഉദ്ഘാടനം ചെയ്തു.
Comments