സ്ഥിരമായി മേക്കപ്പ് ബ്രഷുകള് ഉപയോഗിക്കുന്നവര്ക്കായൊരു മുന്നറിയിപ്പ്. ഉപയോഗ ശേഷം കൃത്യമായ ഇടവേളകളില് അവ വൃത്തിയാക്കിയില്ലെങ്കില് അപകടകാരിയെന്ന് പുതിയ പഠന റിപ്പോര്ട്ട്. ശരിയായി വൃത്തിയാക്കാത്ത മേക്കപ്പ് ബ്രഷുകളിലുള്ള ബാക്ടീരിയകളുടെ അളവ് ടോയ്ലറ്റ് സീറ്റിലുള്ള ബാക്ടീരരിയയോളമോ അതില് കൂടുതലോ വരാം. കോസ്മെറ്റിക് ടൂള് ബ്രാന്ഡായ സ്പെക്ട്രം കളക്ഷന്സ് നടത്തിയ പഠനത്തിലാണ് ഇക്കാര്യം സൂചിപ്പിച്ചിരിക്കുന്നത്.
എത്ര വൃത്തിയുള്ളിടത്ത് സൂക്ഷിച്ചാലും വൃത്തിയില്ലാത്ത മേക്കപ്പ് ബ്രഷുകളില് ഭയാനകമായ ബാക്ടിരിയകള് ഉണ്ടാകാന് സാധ്യതയുണ്ടെന്നും പഠനത്തില് സൂചിപ്പിക്കുന്നു. വൃത്തിയുള്ളതും വൃത്തിയില്ലാത്തതുമായ മേക്കപ്പ് ബ്രഷുകള് രണ്ടാഴ്ചത്തെ പഠനത്തിനായി ഗവേഷകര് വിധേയമാക്കിയിരുന്നു. മേക്കപ്പ് ബ്രഷുകളെല്ലാം കിടപ്പുമുറി, മേക്കപ്പ് ബാഗ്, മേശയുടെ ഡ്രോയര് തുടങ്ങി നിരവധി സ്ഥലങ്ങളില് സൂക്ഷിച്ച ശേഷം ബാക്ടീരയയുടെ അളവ് പരിശോധിക്കുകയായിരുന്നു.
ബാക്ടീരിയകളുടെ എണ്ണം ടോയ്ലറ്റ് സീറ്റിനേക്കാള് തുല്യമോ അതിലധികമോ ആയിരുന്നു. വൃത്തിയാക്കാത്ത ബ്രഷുകളെ അപേക്ഷിച്ച് വൃത്തിയുള്ള മേക്കപ്പ് ബ്രഷുകളില് ബാക്ടീരിയയുടെ സാന്നിദ്ധ്യം വളരെ കുറവാണെന്നും കണ്ടെത്തി. വൃത്തിയാക്കാത്ത മേക്കപ്പ് ബ്രഷുകള് ഉപയോഗിക്കുന്നത് ചര്മ്മരോഗങ്ങള്ക്ക് കാരണമായേക്കാമെന്നും കോസ്മറ്റിക്് വിദഗ്ദയായ കാര്ലിി മുസ്ലെ പറഞ്ഞു.
മേക്കപ്പ് ബ്രഷ് വൃത്തിയാക്കുമ്പോള് ഒരു കപ്പ് വെള്ളത്തില് രണ്ടോ മൂന്നോ തുള്ളി ലിക്വിഡ് സോപ്പ് ഒഴിക്കണം. അതില് എല്ലാ ബ്രഷുകളും ഇട്ട് വെയ്ക്കണം. അല്പ്പ സമയത്തിന് ശേഷം ഓരോ ബ്രഷും നന്നായി കഴുകണം. ബ്രഷില് മേക്കപ്പ് അവശിഷ്ടങ്ങള് ഇല്ലെന്നും ഉറപ്പു വരുത്തുക. ഇതിന് ശേഷം വൃത്തിയുള്ള തൂവാല ഉപയോഗിച്ച് നനവ് ഒപ്പിയെടുത്തതിന് ശേഷം ഉണക്കിയെടുക്കുക.
Comments