ന്യൂഡൽഹി: കേന്ദ്ര ധനകാര്യമന്ത്രി നിർമല സീതാരാമൻ റഷ്യൻ ഉപപ്രധാനമന്ത്രി ഡെനീസ് മാന്റുറോവുമായി കൂടിക്കാഴ്ച നടത്തി. ഇരു രാജ്യങ്ങളുടെയും സാമ്പത്തിക സഹകരണം ശക്തിപ്പെടുത്തുന്നതിൽ ശ്രദ്ധ കേന്ദ്രീകരിച്ചായിരുന്നു ചർച്ച നടത്തിയത്. ഉഭയകക്ഷി നിക്ഷേപവും വ്യാപാരവും പ്രോത്സാഹിപ്പിക്കുന്നതിനും സാമ്പത്തിക സഹകരണം ശക്തിപ്പെടുത്തുന്നതിനെക്കുറിച്ചും ഇരു പ്രതിനിധികളും ആശയങ്ങളും നിർദ്ദേശങ്ങളും കൈമാറി.
യൂറേഷ്യൻ സാമ്പത്തിക കമ്മീഷനുമായി ചേർന്ന് ഇന്ത്യയുമായുള്ള സ്വതന്ത്ര വ്യാപാര കരാറിനെക്കുറിച്ച് കൂടുതൽ ചർച്ച നടത്തുമെന്നും, റഷ്യൻ-ഇന്ത്യൻ വ്യവസായികൾക്കിടയിൽ നിക്ഷേപം ഉറപ്പാക്കാൻ ഫലപ്രദമായ നടപടികൾ റഷ്യ സ്വീകരിച്ചിട്ടുണ്ടെന്നും മാന്റുറോവു പറഞ്ഞു. ഇന്ത്യ-റഷ്യ ബിസിനസ് ഡയലോഗ് അഭിസംബോധന ചെയ്ത് സംസാരിക്കവെയാണ് അദ്ദേഹം ഇക്കാര്യങ്ങൾ വ്യക്തമാക്കിയത്.
അതേസമയം, റഷ്യൻ ഉപപ്രധാനമന്ത്രി ഡെനിസ് മാന്റുറോവുമായി ഇന്ത്യൻ വിദേശകാര്യ മന്ത്രി എസ് ജയശങ്കർ കൂടിക്കാഴ്ച നടത്തി. ന്യൂഡൽഹിയിൽ നടന്ന് ഇന്റർഗവൺമെന്റൽ കമ്മീഷന്റെ 24-ാമത് യോഗത്തിൽ ഇരുവരും പങ്കെടുക്കുകയും ചർച്ചകൾ നടത്തുകയും ചെയ്തു. ആണവോർജ്ജം, കൃഷി, ഗതാഗതം, ആരോഗ്യ സംരക്ഷണം, വിദ്യാഭ്യാസം, സംസ്കാരം എന്നിവയുൾപ്പെടെ വിവിധ മേഖലയെ കുറിച്ച് ഇരു നേതാക്കളും ചർച്ച നടത്തിയതായി ഇന്ത്യയിലെ റഷ്യൻ എംബസി ട്വിറ്ററിലൂടെ പങ്കുവെച്ചു.
🇷🇺🤝🇮🇳Following the meeting, Denis #Manturov and @DrSJaishankar signed the final Protocol of the 24th Meeting of the Russian-Indian IGC. https://t.co/3MeGRG2shF
— Russia in India 🇷🇺 (@RusEmbIndia) April 18, 2023
Comments