ശ്രീനഗർ: ജമ്മുകശ്മീരിൽ പുഞ്ചിൽ കഴിഞ്ഞ ദിവസമുണ്ടായ ഭീകരാക്രമണ ത്തെ തുടർന്ന് സൈന്യം പ്രദേശത്ത് ഓപ്പറേഷൻ ആരംഭിച്ചു. പ്രദേശത്ത് വ്യാപകമായി തിരച്ചിൽ നടത്തുന്നതായി സൈന്യം അറിയിച്ചു.കഴിഞ്ഞ ദിവസം സൈനിക വാഹനവ്യൂഹത്തിന് നേരെയുണ്ടായ അക്രമണത്തിൽ അഞ്ച് ജവാന്മാരാണ് വീരമൃത്യു വരിച്ചത്.
കഴിഞ്ഞ ദിവസം അപകടം നടന്ന രജൗരി പൂഞ്ച് മേഖലയിൽ രണ്ട് ഗ്രൂപ്പുകളായി പ്രവർത്തിക്കുന്ന ഭീകരരുടെ സാന്നിദ്ധ്യത്തെക്കുറിച്ച് സൈന്യത്തിനും സുരക്ഷാ ഏജൻസികൾക്കും വിവരം ലഭിച്ചു. അക്രമണത്തിന് പിന്നിൽ ഏഴ് തീവ്രവാദികളുണ്ടെന്നാണ് സൈന്യത്തിന്റെ നിഗമനം. പൂഞ്ച് സെക്ടറിൽ ഇന്ത്യൻ ആർമി വാഹനത്തിന് നേരെ പതിയിരുന്ന അക്രമണം നടത്തിയത് ഈ സംഘമാണെന്ന സൈന്യം അറിയിച്ചു. ഇതേ തുടർന്ന് ഭീകര സംഘത്തെ പിടികൂടാൻ ഒന്നിലധികം ഓപ്പറേഷൻ ആരംഭിച്ചിതായി സൈന്യം അറിയിച്ചു.
സൈന്യവും പോലീസും ഇൻ്റലിജൻസ് ഉൾപ്പെടെയുള്ള സുരക്ഷ ഏജൻസിയാണ് ഓപ്പറേഷൻ സംഘടിപ്പിക്കുന്നത്. പ്രദേശത്ത് ഒന്നിലധികം ഡ്രോണുകളും ഹെലികോപ്ടറുകളുമാണ് നിരീക്ഷണത്തിനായി സൈന്യം ഉപയോഗിക്കുന്നത്. അന്വേഷണം പുരോഗമിക്കുകയാണെന്ന് സൈന്യം അറിയിച്ചു.
