തിരുവനന്തപുരം: ഓട്ടോറിക്ഷയിൽ നിന്ന് പുറത്തേക്ക് ചാടി തലയ്ക്ക് ഗുരുതരമായി പരിക്കേറ്റ ഗർഭിണിയായ യുവതി മരിച്ചു. ഒറ്റൂർ തോപ്പുവിള കുഴിവിള വീട്ടിൽ രാജീവിന്റെയും ഭദ്രയുടെയും മകൾ സുബിനയാണ് (22) മരിച്ചത്.
ഒന്നരമാസം ഗർഭിണിയായിരുന്നു സുബിന. ഇന്നലെ വൈകിട്ട് മൂന്നോടെ ഒറ്റൂർ തോപ്പുവിള ജംഗ്ഷനിലായിരുന്നു സംഭവം. ഭർത്താവിനൊപ്പം ആശുപ്രതിയിൽ പോയി മടങ്ങുകയായിരുന്നു യുവതി.
യാത്രക്കിടയിൽ ഓട്ടോയിൽ വച്ച് സുബിനയും ഭർത്താവ് അഖിലും തമ്മിൽ വഴക്ക് ഉണ്ടായെന്നും തുടർന്ന് പുറത്തേക്ക് ചാടുകയായിരുന്നുവെന്നും പോലീസ് പറയുന്നു. ഓട്ടോയിൽ നിന്നും ചാടുന്നതിനിടെ സുബിനയുടെ തല വൈദ്യുതി പോസ്റ്റിൽ ഇടിക്കുകയായിരുന്നു. ഒരു വർഷം മുൻപായിരുന്നു സുബിനയുടെ വിവാഹം.
Comments