ഒട്ടനവധി സിനിമകളിലൂടെ മലയാളികളുടെ മനസ്സ് കീഴടക്കി, ജനപ്രിയ നായകനായി മാറിയ നടനാണ് ദിലീപ്. കുടുംബ പ്രേക്ഷകര്ക്ക് പ്രിയങ്കരനാണ് ദിലീപ്. കോമഡി സിനിമകളുടെ ഒരു നിര തന്നെ ദിലീപിന്റേതായുണ്ട്. ജനപ്രിയ നായകനായി മലയാള സിനിമയിൽ ഹിറ്റുകൾ മാത്രം സമ്മാനിച്ചു കൊണ്ടിരുന്ന ദിലീപിന്റെ ജീവിതത്തിൽപ്പെട്ടന്നാണ് ആ അപ്രതീക്ഷിത സംഭവം അരങ്ങേറിയത്. ഒരു സമയത്ത് മലയാളികള് ഏറെ ചര്ച്ച ചെയ്യപ്പെട്ട ഒരു വിഷയമായിരുന്നു നടിയെ ആക്രമിച്ച കേസ്. കേസിൽ പ്രതിയായി ദിലീപ് കൂടി എത്തിയതോടെ അത് കേരളം കണ്ട വലിയ വാര്ത്തയായി മാറുകയായിരുന്നു. അദ്ദേഹത്തിന്റെ ജീവിതത്തിന്റെ ഗതി തന്നെ മാറുന്ന ഒരു സംഭവമായിരുന്നു അത്. സിനിമ രംഗത്ത് നിന്ന് ഇപ്പോഴും പലരും ദിലീപിനെ അനുകൂലിച്ചും വിമര്ശിച്ചും രംഗത്ത് വരുന്നുണ്ട്. ഇപ്പോഴിതാ മലയാളികളുടെ പ്രിയ നടി പ്രവീണയുടെ വാക്കുകളാണ് വെെറലാകുന്നത്. പ്രവീണയുടെ വാക്കുകള് ഇങ്ങനെ,
” ദിലീപേട്ടനെ എനിക്ക് വളരെ വ്യക്തിപരമായി അറിയാം. എനിക്ക് ഇതൊന്നും സത്യമാണ് എന്ന് തോന്നുന്നില്ല, അദ്ദേഹം ഇങ്ങനെ ഒക്കെ പറഞ്ഞ് ചെയ്യിക്കുമെന്നും അതും ഇത്രയും ക്രൂരമായി ചെയ്യിക്കുമെന്ന് ഞാന് ഒരിക്കലും വിശ്വസിക്കുന്നില്ല. ദിലീപേട്ടനെ അറസ്റ്റ് ചെയ്യുന്നതിന് രണ്ടാഴ്ച മുമ്പ് ഞങ്ങള് കണ്ടിരുന്നു. അന്ന് ഞങ്ങള് ഒരുമിച്ച് സവാരി എന്നൊരു സിനിമയില് അഭിനയിക്കുകയായിരുന്നു. അതില് ഗസ്റ്റ് അപ്പിയറന്സ് ആയിരുന്നു ദിലീപേട്ടന്, ഒരു സീന് മാത്രമായിരുന്നു അത്. അദ്ദേഹം എന്നോട് കാണിച്ച സ്നേഹം എനിക്ക് മറക്കാന് പറ്റില്ല. ഞാന് ആ മനുഷ്യനെ കാണുന്ന അന്ന് മുതല് അദ്ദേഹം വളരെ മാന്യമായി സംസാരിക്കുകയും, പ്രത്യേകിച്ചും സ്ത്രീകളോട് ബഹുമാനം കാണിക്കുന്ന ഒരു വ്യക്തിയുമായിട്ടാണ് തോന്നിയിട്ടുള്ളത്. ഞങ്ങള് ഒരുമിച്ച് 2 സിനിമയില് വര്ക്ക് ചെയ്തിട്ടുണ്ട്. അതുകൂടാതെ ഞങ്ങള് 40 ദിവസത്തോളം അമേരിക്കയിലുള്ള ഒരു ഷോ ചെയ്തിട്ടുണ്ട്. ആ സമയത്തെല്ലാം അദ്ദേഹം ഞങ്ങള്ക്ക് തന്ന സ്നേഹവും പ്രൊട്ടക്ഷനും ഒക്കെ ഞങ്ങള് കണ്ടിട്ടുള്ളതാണ്. ” പ്രവീണ പറഞ്ഞു.
അതേസമയം ഇത് ദിലീപേട്ടനെ കുടുക്കാനുള്ള വളരെ പ്ലാന്ഡ് ആയിട്ടുള്ള ഒരു കേസ് ആയിട്ടാണ് എനിക്ക് തോന്നുന്നത് എന്നും പ്രവീണ പറയുന്നു. നേരത്തെ ഇതേ അഭിപ്രായം തന്നെയാണ് നടനെ കുറിച്ച് നടിമാരായ ശാലു മേനോനും, ഗീതാ വിജയനും പറഞ്ഞിരുന്നത്. ദിലീപ് ഇങ്ങനെ ഒക്കെ ചെയ്യുമോ എനിക്ക് അറിയില്ല എന്നും ഗീതാ വിജയന് പറഞ്ഞു.
