മലയാളി ഭക്ഷണ പ്രേമികൾക്ക് ഏറെ പ്രിയങ്കരനാണ് ഷെഫ് സുരേഷ് പിള്ള. ഒരു സെലിബ്രറ്റി ഷെഫ് എന്ന് തന്നെ അദ്ദേഹത്തെ വിശേഷിപ്പിക്കാം. കാരണം അത്ര തന്നെയാണ് അദ്ദേഹം വിളമ്പുന്ന രുചികളും. സ്വാദിഷ്ടമായ ഭക്ഷത്തോടൊപ്പം അത് തയ്യാറാക്കാനാവശ്യമായ പൊടികൈകളും അദ്ദേഹം പങ്കുവെക്കാറുണ്ട്. ഇപ്പോഴിതാ അദ്ദേഹത്തിന്റെ വീട്ടിലെ കുറച്ച് രുചി വിശേഷങ്ങളുനമായി എത്തിയിരിക്കുകയാണ്.
താൻ ഇപ്പോഴും ചോറുണ്ടാക്കുന്നത് മൺകലത്തിലാണ്. എത്ര മോഡേൺ ആയാലും മൺകലവും മൺചട്ടിയും ഇപയോഗിക്കുന്നതാണ് നല്ലതെന്നും അദ്ദേഹം കൂട്ടിച്ചേർത്തു. കൂടാതെ ഇവ ഉപയോഗിക്കുമ്പോൾ വല്ലാത്തൊരു ഫീൽ ആണെന്നും കുറച്ചുകൂടി ഹെൽത്തിയാണെന്നും അദ്ദേഹം പറയുന്നു. കുറഞ്ഞ പക്ഷം ചോറെങ്കിലും മൺകലത്തിൽ വച്ച് ശീലിക്കണം. ഞാൻ വിറകടുപ്പിലാണ് ചെയ്യുന്നത്. ചോറ്, കപ്പ, ഇറച്ചി അങ്ങനെ ഒരുപാട് നേരമൊക്കെ വയ്ക്കുന്ന സാധനങ്ങൾ നമ്മൾ വിറകടുപ്പിലേക്ക് പോകും. പെട്ടെന്ന് ഉണ്ടാക്കുന്നതൊക്കെ ഗ്യാസിലേക്ക് വരും. എല്ലാം സമയം പോലെ എന്നുമായിരുന്നു പാചകവിശേഷത്തെ കുറിച്ച് അദ്ദേഹം പറഞ്ഞത്.
പിടിപോയ കത്തി ഉപയോഗിക്കുന്നതിനെക്കുറിച്ചും അദ്ദേഹം വെളിപ്പെടുത്തുന്നുണ്ട്. ‘വീട്ടിൽ അമ്മയൊക്കെ പണ്ടേ ഉപയോഗിച്ചിരുന്ന കത്തിയാണിത്. ലണ്ടനിൽ പത്ത് പതിനഞ്ച് വർഷം ഉപയോഗിച്ചിട്ട് കൊണ്ടു വന്നതാണ്. പിടി പോയിട്ട് കുറേ നാളായി. പക്ഷേ നല്ല ഷാർപ്പാണ്. എപ്പോഴും ഇതിനെക്കുറിച്ച് ട്രോളൊക്കെ ഉണ്ടാകാറുണ്ട്’ എന്നും അദ്ദേഹം പറഞ്ഞു.
Comments