കോഴിക്കോട്: അന്തരിച്ച നടൻ മാമുക്കോയയുടെ കുടുംബത്തെ സന്ദർശിച്ച് നടൻ സുരേഷ് ഗോപി. ഇന്ന് രാവിലെ ആയിരുന്നു സുരേഷ് ഗോപി മാമുക്കോയയുടെ വീട് സന്ദർശിച്ചത്. രൂപത്തിലും ഭാവത്തിലും അഭിനയത്തിലും മികവ് പുലർത്തിയ കലാകാരനായിരുന്നു മാമുക്കോയയെന്ന് അദ്ദേഹം പറഞ്ഞു. മാമുക്കോയയുടെ വിയോഗം സിനിമ രംഗത്ത് വലിയ നഷ്ടമാണെന്നും സുരേഷ് ഗോപി കൂട്ടിച്ചേർത്തു.
രാവിലെ വീട്ടിലെത്തിയ സുരേഷ് ഗോപി മാമുക്കോയുടെ കുടുംബവുമായി സംസാരിക്കുകയും സമയം പങ്കിടുകയും ചെയ്തു. അദ്ദേഹത്തോടൊപ്പം നടൻ ജോയ് മാത്യൂവും മാമുക്കോയയുടെ കുംടുംബത്തെ സന്ദർശിച്ചു. ഇന്ന് രാവിലെ മുഖ്യമന്ത്രിയും സംഘവും അരക്കിണറിലെത്തിയിരുന്നു. പത്ത് മിനിറ്റോളം അദ്ദേഹം കുടുംബത്തോടൊപ്പം സമയം ചിലവിട്ടു.
