തിരുവനന്തപുരം: സംസ്ഥാനത്തിന്റെ പ്രധാന വരുമാന സ്രോതസ്സ് മദ്യവും ലോട്ടറിയും ഭാവിയിൽ എഐ ക്യാമറയുമാണ്. ഇതിൽ തന്നെ കേരളത്തിലെ ഖജനാവ് അടച്ചുപൂട്ടാതെ നിലനിർത്തുന്നതിൽ കുടിയൻമാർ വഹിക്കുന്ന പങ്ക് ചെറുതല്ല. മദ്യത്തിന് വില വർദ്ധിപ്പിച്ചാൽ പൊതു സമൂഹം കാര്യമായി ഇടപെടില്ലെന്ന അറിഞ്ഞ് കൊണ്ട് തന്നെയാണ് മദ്യ വില നിശ്ചയിക്കുന്നത്. മറ്റ് സംസ്ഥാനങ്ങളെക്കാൾ പത്തിരട്ടിയിലധികം വിലയാണ് മിക്ക ബ്രാൻഡുകൾക്കും ഈടാക്കുന്നത്.
കേരളത്തിൽ ഏറ്റവുമധികം വിറ്റഴിയുന്ന മദ്യ ബ്രാൻഡാണ് ബെക്കാർഡി വൈറ്റ് റം. 194 രൂപയ്ക്ക് ലഭിക്കുന്ന 750 മില്ലി ലിറ്റർ വരുന്ന ഒരു ഫുൾബോട്ടിൽ ബെക്കാർഡി റം ബിവറേജസ് കോർപ്പറേഷന്റെ ഔട് ലെറ്റുകളിൽ വിൽക്കുന്നത് 1550 രൂപക്കാണ്. 194 രൂപ കഴിച്ച് ബാക്കിയുള്ള 1,386 രൂപയും എക്സൈസ് ഡ്യൂട്ടിയും നികുതികളും ലാഭവും ഒക്കെയായി നേരെ സംസ്ഥാന സർക്കാർ ഖജനാവിലേക്കാണ് പോകുന്നത്.
രാജ്യത്ത് തന്നെ മദ്യത്തിന് ഏറ്റവും ഉയർന്ന വില ഈടാക്കുന്ന സംസ്ഥാനങ്ങളിലൊന്നാണ് കേരളം. മിക്ക ജനപ്രീയ ബ്രാൻഡുകൾക്കും കേരളത്തെക്കാൾ 500 രൂപയോളം കുറവാണ് മറ്റ് സംസ്ഥാനങ്ങളിൽ. ബ്ലാക് ആൻഡ് ഗോൾഡ് ബ്രാൻഡിക്ക് സംസ്ഥാനത്ത 1320 രൂപയാണ് ഇടാക്കുന്നത്. എന്നാൽ തമിഴ്നാട്ടിൽ ഈ ബ്രാൻഡിന്റെ വില 920 രൂപയാണ്. ബെക്കാഡി ക്ലാസിക്ക് വൈറ്റ് റമ്മിന് 1550 സംസ്ഥാനത്ത് നൽകുമ്പോൾ അയൽസംസ്ഥാത്ത് 1000 രൂപയാണ് നൽകേണ്ടത്. ഇതേ അനുപാതത്തിലാണ് മിക്ക ബ്രാൻഡുകളുടെയും വിലവ്യത്യാസം
Comments