കേരള സ്‌റ്റോറിയ്‌ക്ക് പൂർണ പിന്തുണയുമായി നടി ഷബാന ആസ്മി. സെൻസർ ബോർഡ് പ്രദർശനത്തിന് അനുമതി നൽകിയ ചിത്രത്തെ വിവാദ സിനിമയാക്കി മാറ്റുന്നത് ശരിയല്ലെന്നാണ് താരം പറഞ്ഞത്. ചിത്രം നിരോധിക്കണമെന്ന് ആവശ്യപ്പെട്ടത് തെറ്റാണെന്നും അവർ കൂട്ടിച്ചേർത്തു. ഭരണഘടനയ്‌ക്ക് മുകളിൽ അധികാരം സ്ഥാപിക്കാനും ആർക്കും കഴിയില്ലെന്നും ഷബാന ആസ്മി പറഞ്ഞു.
കഴിഞ്ഞ വർഷം ഏറെ കോളിളക്കം സൃഷ്ടിച്ച സിനിമയായിരുന്നു ആമിർ ഖാൻ നായകനായെത്തിയ ലാൽ സിംഗ് ഛദ്ദ എന്ന ചിത്രം. ഏറെ പ്രതിഷേധങ്ങൾക്കൊടുവിലാണ് ചിത്രം തിയേറ്ററുകളിലെത്തിയത്. അതേ രീതിയിലാണ് ചിലർ കേരള സ്‌റ്റോറിയ്‌ക്കെതിരെ പ്രവർത്തിക്കുന്നതെന്നും താരം അഭിപ്രായപ്പെട്ടു.
Those who speak of banning #The Kerala Story are as wrong as those who wanted to ban Aamir Khan’s #Laal Singh Chaadha. Once a film has been passed by the Central Board of Film Certification nobody has the right to become an extra constitutional authority .
— Azmi Shabana (@AzmiShabana) May 8, 2023
വെള്ളിയാഴ്ച റിലീസ് ചെയ്ത ചിത്രം വൻ ഹിറ്റായാണ് പ്രദർശനം നടത്തുന്നത്.മൂന്നാം ദിനമായ ഞായറാഴ്ച കഴിഞ്ഞ രണ്ട് ദിവസത്തേക്കാളും ഇരട്ടി തുകയാണ് ചിത്രം നേടിയത്. 16.50 കോടിയാണ് ചിത്രം നേടിയത്. കഴിഞ്ഞ മൂന്ന് ദിവസമായി 35 കോടിയിലധികം രൂപയാണ് ചിത്രം നേടി.
