ക്രിക്കറ്റ് മത്സരം നടക്കുമ്പോൾ പവലിയനിൽ നിന്നും പ്ലക്കാർഡ് ഉയർത്തിയ ഫോട്ടോ അടുത്തിടെ വൈറലായിരുന്നു. വിരാട് കോഹ്ലിയുടെയും അനുഷ്കയുടെയും മകൾ വാമികയെ ഡേറ്റിങ്ങിന് കൊണ്ടു പോകട്ടെ എന്ന് ചോദിച്ച് കൊണ്ടുള്ള പ്ലക്കാർഡ് ആയിരുന്നു അത്. നിരവധി വിമർശങ്ങൾ ഉയർന്ന സംഭവമായിരുന്നു അത്. ഇപ്പോൾ ഇന്ത്യയിൽ നടക്കുന്ന ഐപിഎൽ കളികൾക്കിടെ ഉയർന്ന ഒരു പ്ലക്കാർഡ് എല്ലാവരുടെയും ശ്രദ്ധ പിടിച്ചുപറ്റി. ആ പ്ലക്കാർഡിൽ ഉണ്ടായിരുന്നത് ‘ സർക്കാർ ജോലിയുള്ള വരനെ കണ്ടെത്തുന്നത് നിർത്താനു’ള്ള ആഹ്വാനമായിരുന്നു.
ഈ ചിത്രം സാമൂഹ മാദ്ധ്യമങ്ങളിൽ പങ്കുവയ്ക്കപ്പെട്ടതോടെ വിവാഹ രീതികളെ കുറിച്ച് വലിയ ചർച്ചയാണ് സാമൂഹിക മാദ്ധ്യമങ്ങളിൽ ഉയർന്നത്. വരൻ സർക്കാർ ജോലിയാണോ എന്നാണ് പെൺകുട്ടികൾ ആദ്യം ചോദിക്കുന്നത്. ലഖ്നൗ സ്റ്റേഡിയത്തിൽ ഒരാൾ ഉയർത്തിയ പ്ലക്കാർഡിൽ ഈ ആശങ്കയായിരുന്നു നിറഞ്ഞ് നിന്നത്. ‘സർക്കാർ ജീവനക്കാരനായ വരനെ കണ്ടെത്തുന്നത് നിർത്തുക.’ എന്നായിരുന്നു പ്ലക്കാർഡിൽ എഴുതിയത്,
പഞ്ചാബ് കിംഗ്സും ലഖ്നൗ സൂപ്പർ ജയൻറ്സും തമ്മിലുള്ള മത്സരത്തിനിടെയായിരുന്നു ഈ പ്ലക്കാർഡ് ഉയർത്തപ്പെട്ടത്. പ്ലക്കാർഡ് ഉയർത്തിയ വീഡിയോ ഇൻസ്റ്റാഗ്രാമിൽ പങ്കുവച്ചതിന് പിന്നാലെ വൈറലായി. വീഡിയോ വൈറലായതിന് പിന്നാലെ നിരവധി പേർ കമൻറുമായി രംഗത്തെത്തി. ഏഴ് ലക്ഷത്തിലധികം പേരാണ് ലൈക്ക് ചെയ്തത്.
Comments