മലപ്പുറം: പതിനഞ്ച് ദിവസം പഴക്കമുള്ള അജ്ഞാത മൃതദേഹം പൊന്നാനിയില് കടലില് ഒഴുകി നടക്കുന്ന നിലയില് കണ്ടെത്തി. ശനിയാഴ്ച രാവിലെ മത്സ്യത്തൊഴിലാളികളാണ് മൃതദേഹം കണ്ടെത്തിയത്. മൃതദേഹം മദ്ധ്യവയസ്കനായ പുരുഷന്റേതാണ്.
പൊന്നാനി കടലിൽ ശനിയാഴ്ച രാവിലെ ഏഴേമുക്കാലോടെയാണ് മൃതദേഹം കണ്ടെത്തിയത്. ഏകദേശം 50നും 60നും ഇടയിൽ പ്രായം തോന്നിക്കുന്ന പുരുഷന്റേതാണ് മൃതദേഹം. മത്സ്യബന്ധനത്തിനെത്തിയ മത്സ്യത്തൊഴിലാളികളാണ് മൃതദേഹം കണ്ടത്.
രണ്ടാഴ്ചയോളം പഴക്കമുള്ള മൃതദേഹത്തില് അടിവസ്ത്രം മാത്രമാണ് ഉള്ളത്. പൊന്നാനി കോസ്റ്റല് പോലീസ് ഫിഷറീസ് ബോട്ടിലെത്തി മൃതദേഹം എട്ട് മണിയോടെ കരക്കെത്തിച്ചു. തിരിച്ചറിയാത്തതിനാല് മൃതദേഹം മഞ്ചേരി മെഡിക്കല് കോളജ് ആശുപത്രിയിലേക്ക് മാറ്റിയിട്ടുണ്ട്..
Comments