കൊച്ചി : ഇ വി എം യന്ത്രം, തെരഞ്ഞെടുപ്പ് നടപടിക്രമങ്ങളിൽ കോൺഗ്രസിന് നഷ്ടപ്പെട്ട വിശ്വാസം വീണ്ടുകിട്ടി എന്നറിഞ്ഞതിൽ സന്തോഷമെന്ന് ബിജെപി നേതാവ് എ പി അബ്ദുള്ളക്കുട്ടി. ഫേസ്ബുക്കിലൂടെയായിരുന്നു എ പി അബ്ദുള്ളക്കുട്ടിയുടെ പ്രതികരണം.
200 യൂണിറ്റ് വൈദ്യുതി ഫ്രീ, ഡ്രിഗ്രിക്കാർക്കെല്ലാം 3000 രൂപ തൊഴില്ലായ്മ വേതനം, ഡിപ്ലോമക്കാർക്ക് 2000 രൂപ ,സ്ത്രീകളുടെ അക്കൗണ്ടിലെല്ലാം 2000 രൂപ , സ്ത്രീകൾക്ക് സൗജന്യ ബസ് യാത്ര, തുടങ്ങി അരിയും, പയറും, എല്ലാം വാരിക്കോരി നൽകുന്ന പരിപാടികൾ പൂർണ്ണമായാൽ കർണ്ണാടക സർക്കാർ ഖജനാവിന് താങ്ങാൻ കഴിയുമോ? എന്ന ചില എക്കണോമിസ്റ്റുകളുടെ ചോദ്യങ്ങൾ ഈ ആവേശ തിമർമ്മപ്പിൽ പറഞ്ഞിട്ട് കാര്യമില്ലാന്നറിയാം… ഇത് പോലെ മോഹന വാഗ്ദാനം നൽകിയ കമ്മ്യൂണിസ്റ്റ്കാർ റഷ്യയിലും, കിഴക്കൻ യൂറോപ്പിലും, ദയനീയമായി പരാജയപ്പെട്ട സാമ്പത്തിക ശാസ്ത്രം ചരിത്രത്തിൽ ഉണ്ട്.
കിറ്റ് കൊടുത്ത് ജയിപ്പിച്ച ജനങ്ങളെ കട്ട് മുടിച്ച് കഷപ്പെടുത്തുന്ന പിണറായി വിജയനെ പ്പോലെ ആവരുതേ എന്ന അഭ്യർത്ഥനയോടെ ഒരിക്കൽ കൂടി ആശംസകൾ നേരുന്നു – അദ്ദേഹം ഫേസ്ബുക്ക് പോസ്റ്റിൽ കുറിച്ചു.മുമ്പ് ദില്ലിയിൽ AAP തുത്തുവാരി പക്ഷെ തുടർന്ന് നടന്ന ലോക സഭാ തിരഞ്ഞെടുപ്പിൽ 7 ലോകസഭാസീറ്റിൽ 7 ലും ബിജെപി – മോദി ജയിച്ചു- എന്നും അബ്ദുള്ളക്കുട്ടി ഓർമ്മിപ്പിക്കുന്നു.
