തിരുവനന്തപുരം: കാട്ടക്കട ക്രിസ്ത്യൻ കോളേജിൽ എസ്എഫ്ഐയുടെ നേതൃത്വത്തിൽ നടന്ന ആൾമാറാട്ടം ജനാധിപത്യ കേരളത്തിന് അപമാനകരമാണെന്ന് ബിജെപി ദേശീയ നിർവാഹക സമിതി അംഗം പികം കൃഷ്ണദാസ്. സിപിഎം ഉന്നത നേതൃത്വത്തിന്റെ ശുപാർശയിൽ നടന്ന ഈ നാടകത്തിന് ചുക്കാൻ പിടിച്ചത് കോൺഗ്രസ് നേതാക്കളണെന്നും അദ്ദേഹം പറഞ്ഞു.
ഇടത്-വലത് മുന്നണി കാലങ്ങളായി കേരളത്തിലാകെ നടത്തുന്ന പൊറാട്ട് നാടകത്തിന്റെ മറ്റൊരു പതിപ്പാണിത്. കോൺഗ്രസിന്റെ അദ്ധ്യാപക സംഘടനയായ കെപിസിടഎ തിരുവനന്തപുരം ജില്ലാ സെക്രട്ടറി ഡോ.ഷൈജു ജിജെ പ്രിൻസിപ്പൾ ആയിട്ടുള്ള കോളേജിൽ എസ്എഫ്ഐയ്ക്ക് യൂണിവേഴ്സിറ്റി യൂണിയൻ ചെയർമാനാക്കാനായി ആൾമാറാട്ടം നടത്തി യുയുസിയെ തന്നെ മാറ്റി കൊടുത്തു.
ഇതേ പ്രിൻസിപ്പൽ കെപിസിടിഎ കേരള സെനറ്റ് സ്ഥാനാർത്ഥി കൂടിയാണ്. യുയുസി സ്ഥാനത്തേക്ക് തിരഞ്ഞെടുക്കപ്പെട്ട വിദ്യാർത്ഥി രാജിവെച്ചാൽ പോലും തോന്നിയ പോലെ മറ്റൊരാളെ ആ സ്ഥാനത്തേക്ക് നിർദ്ദേശിക്കാൻ കഴിയില്ല. അധികാരത്തിന്റെ തണലിൽ എന്തും ചെയ്യാമെന്ന സിപിഎമ്മിന്റെ അഹങ്കാരത്തിന്റെ ഫലമാണ് ഇത്തരം അഴിമതികൾ- അദ്ദേഹം പറഞ്ഞു.
Comments