തിരുവനന്തപുരം: ആറ്റിങ്ങൽ വാളക്കാട് ഇളമ്പ തടത്തിൽ സ്വകാര്യ ബസുകൾ തമ്മിൽ കൂട്ടിയിടിച്ചു. അപകടത്തിൽ നിരവധി പേർക്ക് പരിക്ക്. ഇന്നലെ വൈകിട്ട് 7 മണിയോട് കൂടി ആറ്റിങ്ങലിൽ നിന്ന് വെഞ്ഞാറമൂട്ടിലേക്ക് പോകുകയായിരുന്ന ബസും വെഞ്ഞാറമൂട്ടിൽ നിന്നും ആറ്റിങ്ങലിലേക്ക് വരികയായിരുന്ന എസ് ബസും തമ്മിൽ കൂട്ടിയിടിച്ചാണ് അപകടമുണ്ടായത്. പരിക്കേറ്റവരെ ആശുപത്രിയിലേക്ക് മാറ്റിയിട്ടുണ്ട്.
തൃശൂർ-കുന്നംകുളം സംസ്ഥാന പാതയിൽ സ്വകാര്യബസ് അപകടത്തിൽപ്പെട്ടു. ഇന്ന് രാവിലെ 10 മണിയോടെ കേച്ചേരിക്കടുത്ത് മഴുവഞ്ചേരിയിലാണ് അപകടമുണ്ടായത്. കുന്നംകുളത്ത് നിന്ന് വന്ന ബസ് എതിരെ വന്ന സുമോയിൽ ഇടിക്കുകയായിരുന്നു. നിയന്ത്രണം വിട്ട ബസ് കടമുറിയിലേക്ക് ഇടിച്ചുകയറി. സുമോയിൽ 4 പേരും ബസിൽ 8 പേരുമാണ് ഉണ്ടായിരുന്നത്. അപകടത്തിൽ വാഹനങ്ങളിലുണ്ടായിരുന്നവർക്ക് പരിക്കേറ്റിട്ടുണ്ട്. ഇവരെ ആശുപത്രിയിൽ പ്രവേശിപ്പിച്ചു.
