കൊച്ചി : ആലുവയിലെ ഹോട്ടലുകളിൽ ഭക്ഷ്യസുരക്ഷാ വകുപ്പിന്റെ പരിശോധന. ഇന്ന് (ശനിയാഴ്ച്ച) ഉച്ചയോടെയാണ് ആലുവ നഗരസഭ പരിധിയിലുള്ള ഹോട്ടലുകളിൽ ഭക്ഷ്യസുരക്ഷാവകുപ്പ് പരിശോധന നടത്തിയത്. മൂന്ന് ഹോട്ടലുകൾക്കെതിരെയാണ്
നടപടി എടുത്തിരിക്കുന്നത്.
നഗരത്തിലെ ഹോട്ടലുകളിൽ പഴകിയ ഭക്ഷണപദാർത്ഥങ്ങൾ വിൽക്കുന്നത് വ്യാപകമായതോടെയാണ് ഭക്ഷ്യസുരക്ഷാ വകുപ്പ് പരിശോധന നടത്തിയത്. ഹോട്ടലുകളിൽ നിന്ന് പഴകിയ ഭക്ഷണപദാർത്ഥങ്ങൾ ഉദ്യോഗസ്ഥർ പിടിച്ചെടുത്തു. വൃത്തിഹീനമായ സാഹചര്യത്തിൽ പ്രവർത്തിക്കുന്ന ഹോട്ടലുകൾക്കെതിരെ ഭക്ഷ്യസുരക്ഷാ വകുപ്പ് നടപടിയും സ്വീകരിച്ചിട്ടുണ്ട്.
സംസ്ഥാനത്ത് ഭക്ഷ്യ വിഷബാധയേറ്റ് മരണങ്ങൾ റിപ്പോർട്ട് ചെയ്തിനെ തുടർന്നാണ് ഭക്ഷ്യസുരക്ഷാ വകുപ്പ്് പരിശോധന ശക്തമാക്കിയത്. പരിശോധനയെ തുടർന്ന് നിരവധി പഴകിയ ഭക്ഷണപദാർത്ഥങ്ങളാണ് ഹോട്ടലുകളിൽ നിന്നും പിടിച്ചെടുത്തത്.
