തിരുവനന്തപുരം: ഉപരാഷ്ട്രപതി ജഗദീപ് ധൻകറിന്റെ കേരളാ സന്ദർശനം ഇന്നും തുടരും. ക്ലിഫ് ഹൗസിൽ ഗവർണർ, മുഖ്യമന്ത്രി തുടങ്ങിയവർക്കൊപ്പം പ്രഭാതഭക്ഷണം കഴിക്കും. തുടർന്ന് രാവിലെ 10:30ന് നിയമസഭാമന്ദിരത്തിന്റെ രജതജൂബിലി ആഘോഷങ്ങൾ ഉപരാഷ്ട്രപതി ഉദ്ഘാടനം ചെയ്യും. നിയമസഭയിലെ ആർ. ശങ്കരനാരായണൻ തമ്പി മെമ്പേഴ്സ് ലോഞ്ചിലാണ് ഉദ്ഘാടന പരിപാടികൾ. തുടർന്ന് നിയമസഭയുടെ അന്താരാഷ്ട്ര പുസ്തോകാത്സവം 2023-ന്റെ പ്രകാശനവും നിർവഹിക്കും.
ഉച്ചയ്ക്ക് 12 ന് അദ്ദേഹം കണ്ണൂരിലേക്ക് പോകും. ഏഴിമല നാവിക അക്കാദമി സന്ദർശിക്കുന്ന അദ്ദേഹം ശേഷം ചിത്തോർഗഡിലെ സൈനിക് സ്കൂളിൽ തന്നെ പഠിപ്പിച്ച അദ്ധ്യാപിക രത്ന നായരെ തലശേരിയിലെ വസതിയിലെത്തി സന്ദർശിക്കും.
രണ്ട് ദിവസത്തെ സന്ദർശനത്തിനായാണ് ഉപരാഷ്ട്രപതി ജഗ്ദീപ് ധൻകർ ഇന്നലെ കേരളത്തിലെത്തിയത്. ഉപരാഷ്ട്രപതി ഇന്നലെ പദ്മനാഭസ്വാമി ക്ഷേത്രത്തിൽ ദർശനം നടത്തിയിരുന്നു. പത്നി ഡോ.സുധേഷ് ധൻകറും ഉപരാഷ്ട്രപതിയ്ക്കൊപ്പമുണ്ട്.
Comments