പാലക്കാട് : പോപ്പുലർ ഫ്രണ്ട് പ്രവർത്തകരെ കണ്ടെത്തുന്നവർക്ക് ഇനാം പ്രഖ്യാപിച്ച് എൻഐഎയുടെ പോസ്റ്റർ. വല്ലപ്പുഴ പഞ്ചായത്തിലാണ് എൻഐഎ പോസ്റ്റർ പതിച്ചിരിക്കുന്നത്. മൂന്ന് മുതൽ നാല് ലക്ഷം രൂപ വരെയാണ് ഇനാം തുക എൻഐഎ പ്രഖ്യാപിച്ചിരിക്കുന്നത്.
പോപ്പുലർ ഫ്രണ്ട് പ്രവർത്തകരായ ശാഹുൽ ഹമീദ്, അബിദുൽ റഷീദ്, മുഹമ്മദ് മൻസൂർ, മുഹമ്മദലി, അബ്ദുൽ വഹാബ് എന്നീ വ്യക്തികളെ കണ്ടെത്തുന്നവർക്കാണ് എൻഐഎ ഇനാം പ്രഖ്യാപിച്ചിരിക്കുന്നത്. അഞ്ച് ദിവസങ്ങൾക്ക് മുമ്പാണ് പഞ്ചായത്ത് ഓഫീസിൽ പോസ്റ്റർ പതിച്ചത്.
രാജ്യത്ത് വിവിധയിടങ്ങളിൽ ആക്രമണം നടത്താൻ പദ്ധതിയിട്ട മൂന്ന് പേരെ എൻഐഎ പിടികൂടിയതായി അറിയിച്ചു. ഐഎസ് ബന്ധമുള്ള മൂന്ന് പേരെയാണ് പിടിയിലായതെന്നും എൻഐഎ വ്യക്തമാക്കി.
