ന്യൂഡൽഹി: യുപിയിൽ യോഗി ആദിത്യനാഥിന്റെ നേതൃത്വത്തിൽ നടക്കുന്ന വികസന പ്രവർത്തനങ്ങൾ പ്രശംസനീയമെന്ന് കേന്ദ്ര ആഭ്യന്തരമന്ത്രി അമിത് ഷാ. മുഖ്യമന്ത്രി യോഗി ആദിത്യനാഥിന് പിറന്നാൾ ആശംസകൾ നേർന്നുകൊണ്ടാണ് അദ്ദേഹം ഇക്കാര്യം പറഞ്ഞത്. സംസ്ഥാനത്ത് നല്ല ഭരണം കൊണ്ടുവരുന്നതിൽ യോഗി സർക്കാരിന്റെ പ്രവർത്തനത്തെ അദ്ദേഹം അഭിനന്ദിച്ചു. ‘നിങ്ങൾ ആരോഗ്യവാനായിരിക്കട്ടെയെന്നും ദീർഘായുസുണ്ടാകട്ടെ എന്ന് പ്രാർത്ഥിക്കുന്നു’അമിത് ഷാ ട്വിറ്ററിൽ കുറിച്ചു.
1972 ജൂൺ 5-ന് ഉത്തരാഖണ്ഡിലെ പൗരി ഗർവാൾ ജില്ലയിലാണ് യോഗി ആദിത്യനാഥ് ജനിച്ചത്. ചെറിയ പ്രായം മുതൽ തന്നെ അദ്ദേഹം രാഷ്ട്രിയ വിഷയങ്ങളിൽ ഇടപ്പെട്ടിരുന്നു. അഖില ഭാരതീയ വിദ്യാർത്ഥി പരിഷത്തിന്റെ വിദ്യാർത്ഥി നേതാവായിട്ടാണ് അദ്ദേഹം രാഷ്ട്രീയ യാത്ര ആരംഭിച്ചത്. 1991-ൽ ബിജെപിയിൽ ചേർന്ന അദ്ദേഹം 1998-ൽ ലോക്സഭയിലേക്ക് തിരഞ്ഞെടുക്കപ്പെട്ടു.
2017 മാർച്ചിൽ അദ്ദേഹം ഉത്തർപ്രദേശ് മുഖ്യമന്ത്രിയായി ചുമതലയേറ്റു. 1998 മുതൽ 2017 വരെ തുടർച്ചയായി അഞ്ച് തവണയാണ് ഗോരഖ്പൂരിൽ തിരഞ്ഞെടുക്കപ്പെട്ടത്. രാഷ്ട്രീയ ജീവിതത്തിന് പുറമേ, ഗോരഖ്പൂരിൽ സ്ഥിതി ചെയ്യുന്ന ഗോരഖ്നാഥ് മഠം പ്രധാന പുരോഹിതനുമാണ് യോഗി ആദിത്യനാഥ്.
Comments