മുംബൈ : ഛത്രപതി ശിവാജിമഹാരാജിനെ കുറിച്ചുള്ള സിനിമ ഒരുക്കാൻ ദേശീയ അവാർഡ് ജേതാവ് രവി ജാദവ് . ബാൽ ശിവാജി ചിത്രത്തിന്റെ ഫസ്റ്റ് ലുക്ക് പോസ്റ്റർ പുറത്ത് . പ്രശസ്ത നിർമ്മാതാവ് സന്ദീപ് സിംഗ് എവിഎസ് സ്റ്റുഡിയോയുമായി സഹകരിച്ചാണ് ‘ശിവാജി’യെ കുറിച്ച് സിനിമ ഒരുക്കുന്നത് .
വളരെ വലിയ ബഡ്ജറ്റിൽ മറാത്തിയിലാണ് ചിത്രം ഒരുങ്ങുന്നത് . ഈ ചിത്രത്തിൽ ശിവാജിയുടെ കുട്ടിക്കാലത്തെ കഥാപാത്രത്തെ ആകാശ് തോസറാണ് അവതരിപ്പിക്കുന്നത്. ബാൽ ശിവാജി എന്ന സിനിമയിൽ ശിവാജി മഹാരാജിന്റെ ബാല്യവും കൗമാരവും അതായത് 12 മുതൽ 16 വയസ്സുവരെയുള്ള ജീവിതമാണ് കാണിക്കുന്നത്.
‘ഛത്രപതി ശിവാജി മഹാരാജിന്റെ മഹത്തായ ഇതിഹാസം എല്ലാവർക്കും പരിചിതമാണ്. എന്നാൽ ഛത്രപതി ശിവാജി മഹാരാജിന്റെ ആദ്യ വർഷങ്ങൾ വളരെ കുറച്ച് ആളുകൾക്ക് മാത്രമാണ് അറിയുക . രവി ജാദവ് ഈ കഥ എന്നോട് പറഞ്ഞപ്പോൾ ഞാൻ അതിശയിച്ചുപോയി. ഈ കഥ ബാൽ ശിവജിയും അമ്മയും തമ്മിലുള്ള അതുല്യമായ ബന്ധത്തെ അടിസ്ഥാനമാക്കിയുള്ളതാണ്, അതിലൂടെ ലോകത്തിലെ ഏറ്റവും നിർഭയനും ധീരനുമായ പോരാളിയാകാനുള്ള അദ്ദേഹത്തിന്റെ യാത്ര എങ്ങനെയായിരുന്നുവെന്ന് കാണിക്കും. ‘ – നിർമ്മാതാവ് സന്ദീപ് സിംഗ് പറഞ്ഞു.
‘ഛത്രപതി ശിവാജി മഹാരാജിന്റെ മാതാപിതാക്കൾ ശിവാജിയെ ഒരു അതുല്യ പോരാളിയാക്കാൻ കുട്ടിക്കാലം മുതലേ വിലപ്പെട്ട പാഠങ്ങൾ നൽകിയത് എങ്ങനെയെന്ന് ഈ സിനിമയിൽ കാണിക്കും. ചെറുപ്പത്തിൽ തന്നെ തന്റെ കഴിവുകൾ വികസിപ്പിച്ചെടുത്തതിൽ നിന്ന് പോരാളിയാകുന്നതിലേക്കുള്ള യാത്രയാണ് സിനിമയിൽ കാണിക്കുന്നത്. 9 വർഷത്തോളം ഞാൻ ചിത്രത്തിന്റെ തിരക്കഥയിൽ വർക്ക് ചെയ്തു, ഇപ്പോൾ എന്റെ കാഴ്ചപ്പാട് സ്ക്രീനിൽ കൊണ്ടുവരാൻ ഞാൻ ആകാംക്ഷയിലാണ്. ഇതാദ്യമായാണ് ഒരു സംവിധായകനെന്ന നിലയിൽ മഹത്തായ ചരിത്രത്തിന്റെ ഒരു ഭാഗം ഞാൻ കാണിക്കാൻ പോകുന്നത്. അദമ്യമായ ധൈര്യം നിറഞ്ഞ ഈ കഥ സ്ക്രീനിൽ അവതരിപ്പിക്കാനുള്ള എന്റെ ശ്രമങ്ങൾ സന്ദീപ് സിംഗ് മനസ്സിലാക്കിയിട്ടുണ്ട്. “ രവി ജാദവ് പറഞ്ഞു.
ബാൽ ശിവാജി എന്ന ചിത്രം മറാത്തി സിനിമയെ പുതിയ തലത്തിലേക്ക് കൊണ്ടുപോകുമെന്ന് എവിഎസ് സ്റ്റുഡിയോയുടെ സഹസ്ഥാപകൻ വിശാൽ ഗുർനാനി പറഞ്ഞു. ഈ ചിത്രത്തിലൂടെ ലോകത്തിലെ ഏറ്റവും പ്രായം കുറഞ്ഞ പോരാളിയുടെ രസകരമായ കഥ വളരെ ആവേശകരമായി അവതരിപ്പിക്കും. മറാത്തിയിൽ ഇതുവരെ അങ്ങനെയൊരു സിനിമ നിർമ്മിച്ചിട്ടില്ല. രവി ജാദവ് സാറിനും ആകാശ് തോസറിനും ഒപ്പം പ്രവർത്തിക്കാൻ അവസരം ലഭിക്കുന്നത് ഞങ്ങൾക്ക് വളരെ സന്തോഷമുള്ള കാര്യമാണെന്നും വിശാൽ ഗുർനാനി പറഞ്ഞു.
