ന്യൂഡൽഹി: ഇന്ത്യയിലെ ഏറ്റവും മൂല്യമേറിയ ബ്രാൻഡായി ടാറ്റാ. മൂല്യം 2,500 കോടി ഡോളർ കടന്നതായി ബ്രാൻഡ് ഫിനാൻസ് പുറത്തുവിട്ട റിപ്പോർട്ടിൽ പറയുന്നു. ആഗോള ബ്രാൻഡ് മൂല്യനിർണയ കൺസൾട്ടൻസി സ്ഥാപനം പ്രതിവർഷം നടത്തുന്ന മൂല്യനിർണയത്തിലാണ് തുടർച്ചയായ വർഷങ്ങളിൽ ടാറ്റ ഒന്നാം സ്ഥാനത്തുള്ളത്. ഐടി കമ്പനിയായ ഇൻഫോസിസാണ് ഇന്ത്യയിലെ ബ്രാൻഡ് മൂല്യമേറിയ കമ്പനികളിൽ രണ്ടാമത്.
കൊറോണ മഹാമാരിയ്ക്കിടയിലും രാജ്യത്തെ ഏറ്റവും മൂല്യമേറിയ 100 ബ്രാൻഡുകളും വളർച്ച രേഖപ്പെടുത്തി. 2022 ജനുവരി ഒന്നിന് ശേഷം ഈ ബ്രാൻഡുകളുടെ മൊത്തം മൂല്യം രണ്ട് ലക്ഷം കോടി ഡോളറായി. 250-ലധികം ഇന്ത്യൻ ബ്രാൻഡുകളെ വിലയരുത്തിയ ശേഷമാണ് ബ്രാൻഡ് ഫിനാൻസ് റിപ്പോർട്ട് പുറത്തുവിട്ടത്.
മുൻ വർഷത്തെ അപേക്ഷിച്ച് ടാറ്റാ ഗ്രൂപ്പിന്റെ മൂല്യം കഴിഞ്ഞ വർഷത്തെ അപേക്ഷിച്ച് 10.3 ശതമാനം ഉയർന്ന് 2,640 കോടി ഡോളറായി. ഒരു ഇന്ത്യൻ ബ്രാൻഡ് ഇത്രയും ഉയർന്ന മൂല്യം നേടുന്നത് ഇതാദ്യമായാണെന്ന് റിപ്പോർട്ടിൽ പറയുന്നു. 2023-ൽ ബ്രാൻഡ് ഫിനാൻസ് ഗ്ലോബൽ 500 ബ്രാൻഡുകളുടെ പട്ടികയിലെ ആദ്യ 100 സ്ഥാനങ്ങളിൽ ഇടംനേടിയ ഒരേയൊരു ഇന്ത്യൻ ബ്രാൻഡ് ടാറ്റ ഗ്രൂപ്പായിരുന്നു. ഡിജിറ്റലൈസേഷൻ ശക്തിപ്പെടുത്തിയും മറ്റും ടാറ്റാ ഗ്രൂപ്പ് ശക്തമയ പരിവർത്തനത്തിന് സാക്ഷ്യം വഹിക്കുകയാണ്.
ഏറ്റവും മൂല്യമേറിയ 10 ബ്രാൻഡുകളുടെ പട്ടികയിൽ മഹീന്ദ്ര ഗ്രൂപ്പ് പുതുതായി ഇടം നേടിയിട്ടുണ്ട്. 700 കോടി ഡോളറിന്റെ ബ്രാൻഡ് മൂല്യവുമായി ഏഴാം സ്ഥാനത്താണ് ഗ്രൂപ്പ്. 15 ശതമാനമാണ് ബ്രാൻഡ് മൂല്യത്തിന്റെ വളർച്ച.
Comments