കൊച്ചി: നെടുമ്പാശേരി വിമാനത്താവളത്തിൽ യാത്രക്കാരനിൽ നിന്നും സ്വർണം പിടികൂടി. 57 ലക്ഷം രൂപ വിലമതിക്കുന്ന 1069.57 ഗ്രാം സ്വർണമാണ് യാത്രക്കാരനിൽ നിന്നും കണ്ടെടുത്തത്. ബഹ്റൈനിൽ നിന്നും കോഴിക്കോട് വഴിയാണ് ഇയാൾ കൊച്ചിയിലെത്തിയതെന്ന് കസ്റ്റംസ് അധികൃതർ അറിയിച്ചു.
എയർ ഇന്ത്യ എക്സ്പ്രസ് ഐഎക്സ്-474 എന്ന വിമാനത്തിൽ എത്തിയ പ്രതി ക്യാപ്സ്യൂൾ രൂപത്തിലാക്കിയ സ്വർണം ശരീരത്തിനുള്ളിലാണ് ഒളിപ്പിച്ചിരുന്നത്. ഇയാൾ കോഴിക്കോട് സ്വദേശിയായ അഷ്റഫ് എന്നയാളാണെന്നും സംഭവത്തിൽ അന്വേഷണം തുടരുകയാണെന്നും കസ്റ്റംസ് അറിയിച്ചു.
കഴിഞ്ഞ ദിവസം കൊച്ചി അന്താരാഷ്ട്ര വിമാനത്താവളത്തിലെ എയർ ഇന്റലിജൻസ് യൂണിറ്റ് 1 കോടി 21 ലക്ഷം രൂപയുടെ സ്വർണം യാത്രക്കാരിൽ നിന്നും പിടികൂടിയിരുന്നു. മലേഷ്യയിൽ നിന്നെത്തിയ നാല് യാത്രക്കാരിൽ നിന്നാണ് സ്വർണം കണ്ടെടുത്തത്.
Comments