ഇതിഹാസ ഫുട്ബോൾ താരം ജോർജ്ജ് ബെസ്റ്റിന് ഏറെ പ്രിയപ്പെട്ട ആഢംബര ഹോട്ടൽ ഇന്ന് കാടുകയറി കിടക്കുകയാണ്. അയർലണ്ടിലെ ഏറ്റവും വലിയ ആഢംബര ഹോട്ടലുകളിലൊന്നായിരുന്ന ഡൊണഗലിലെ ബൺബെഗിലുള്ള ഓസ്താൻ ഹോട്ടലാണ് പ്രകൃതി ഏറ്റെടുത്തിരിക്കുന്നത്.
1970-ൽ പണികഴിപ്പിച്ച ഓസ്താൻ, ഒരുകാലത്ത് വടക്കുപടിഞ്ഞാറൻ മേഖലയിലെ ഏറ്റവും പ്രസിദ്ധമായ ഹോട്ടലായിരുന്നു. എന്നാൽ വിനോദ സഞ്ചാരികളുടെ എണ്ണം കുറഞ്ഞതോടെ 2015-ൽ ഹോട്ടൽ ലേലത്തിന് വെയ്ക്കുകയായിരുന്നു. പുറത്ത് നിന്ന് നോക്കിയാൽ, ഹോട്ടൽ നന്നായി സംരക്ഷിക്കപ്പെട്ടതായി തോന്നുമെങ്കിലും സത്യം മറ്റൊന്നായിരുന്നു. ഹോട്ടലിന്റെ അകത്തളങ്ങളിൽ മുഴുവൻ കാട് കയറി കിടക്കുന്നതാണ് കാണാൻ സാധിക്കുന്നത്.
ഒരു കാലത്തെ ആഡംബര ഹോട്ടൽ ഇന്ന് ഒരു ഹരിതഗൃഹമായി മാറിയിരിക്കുന്നു. ഒരു കാലത്തെ രാജകീയ ഡൈനിംഗ് റൂം ഇപ്പോൾ പച്ച പായൽ പൂശി കിടക്കുകയാണ്. സീലിംഗിൽ വരെ ചെടികൾ വളർന്നിരിക്കുന്നു. 32 ഗസ്റ്റ് ബെഡ്റൂമുകൾ, റിസപ്ഷൻ, ബാർ, റെസ്റ്റോറന്റ്, അടുക്കള, ഓഫീസ്, കോൺഫറൻസ് റൂം, ഫംഗ്ഷൻ റൂം, ബ്യൂട്ടി സലൂൺ, കുളം, ജിം എന്നിവ ഈ ഹോട്ടിലിലുണ്ട്.
പ്രോപ്പർട്ടിക്ക് ‘ഡൻ ന മാര’ എന്നറിയപ്പെടുന്ന ആറ് അറ്റാച്ച്ഡ് അപ്പാർട്ട്മെന്റുകൾ കടലിന്റെ മനോഹര കാഴ്ചകൾ സമ്മാനിക്കുന്നവയാണ്. ഇന്നും അങ്ങനെ തന്നെ. പക്ഷെ, റൂമുകളും കിടക്കകളും ഫർണീച്ചറുകളുമെല്ലാം പായൽ പിടിച്ച് കാടു കയറി കിടക്കുകയാണ്. തടി മേശകളും കസേരകളും ഇപ്പോഴും ഡൈനിംഗ് ക്രമീകരണങ്ങളിൽ തന്നെയാണ് സജ്ജീകരിച്ചിട്ടിരിക്കുന്നത്. യഥാർത്ഥത്തിൽ ഹോട്ടലിന്റെ അകത്തളം കണ്ടാൽ ഒരു ഹൊറർ സിനിമയിലെ രംഗം പോലെ തോന്നും.
Comments