മിനർവ പഞ്ചാബിലേക്ക് ടിക്കറ്റ് ലഭിച്ചതിന്റെ സന്തോഷത്തിലാണ് കോഴിക്കോട് നരികുനി സ്വദേശിയായ പത്തുവയസ്സുകാരൻ മുഹമ്മദ് ബിലാൽ. ജൂണിൽ 15 ദിവസം പഞ്ചാബിൽ നടന്ന സെലക്ഷൻ ട്രയൽസിലൂടെയാണ് ഗോൾകീപ്പറായി മിനർവ പഞ്ചാബിലേക്ക് മുഹമ്മദ് ബിലാൽ തിരഞ്ഞെടുക്കപ്പെട്ടത്. കോഴിക്കോട് ക്രസന്റ് ഫുട്ബോൾ അക്കാദമിയുടെ താരമായ ബിലാൽ മുട്ടാഞ്ചേരി ഹസനിയ എ.യു.പി സ്കൂൾ അഞ്ചാം ക്ലാസ് വിദ്യാർഥിയാണ്. ഈ മാസം ബിലാൽ പഞ്ചാബിലേക്ക് യാത്ര തിരിക്കും.
2005 ലാണ് മിനർവ ഫുട്ബോൾ അക്കാദമി സ്ഥാപിതമായത്. മൊഹാലിയിലെ മിനർവ പബ്ലിക് സ്കൂളിന്റെ അസോസിയേഷൻ ഫുട്ബോൾ ടീമായ മിനർവ ക്ലബ്ബിന്റെ മഹത്വം പുനരുജ്ജീവിപ്പിക്കുക എന്ന ലക്ഷ്യത്തോടെയാണ് സ്ഥാപിതമായത്. ഇതോടെ പഞ്ചാബിലെ ഏറ്റവും ശക്തമായ ഫുട്ബോൾ ടീമുകളിലൊന്നായി മിനർവ ഉയർന്നു.
