ന്യൂഡൽഹി; ഒരിടവേളയ്ക്ക് ശേഷം ഡൽഹി മെട്രോ വീണ്ടും വാർത്തകളിൽ ഇടംപിടിച്ചു. ഇത്തവണയത് വിവാദപരമായ ഒരു പ്രവൃത്തിയിലാണെന്ന് മാത്രം. മെട്രോ യാത്രക്കിടെ യുവാവിന് മർദ്ദനമേൽക്കുന്ന വീഡിയോയാണ് സമൂഹമാദ്ധ്യമങ്ങൾ വ്യാപകമായി പ്രചരിക്കുന്നത്. ബാഗ് തൂക്കി നിൽക്കുന്ന യുവാവിന് നേരെ യുവതി ആക്രോശിക്കുന്നതും കരണത്തടിക്കുന്നതും വീഡിയോയിൽ കാണാം. കാരണമെന്തെന്ന് വ്യക്തമല്ല. യുവാവ് അടിയേറ്റ് ഒന്നുമിണ്ടാതെ മാറിനിൽക്കുന്നതും വീഡിയോയിൽ വ്യക്തമാണ്.
യാത്രക്കാരിലാരോ പകർത്തി സമൂഹമാദ്ധ്യമങ്ങളിൽ പങ്കുവച്ച വീഡിയോ ആണ് പ്രചരിക്കുന്നത്. നിറഞ്ഞുകവിഞ്ഞ മെട്രോയിലായിരുന്നു മർദ്ദനം. ആൾക്കാർ നോക്കി നിൽക്കുന്നുണ്ടെങ്കിലും സംഭവത്തിൽ ഇടപെടാൻ ആരും തയ്യാറാകാത്തതും കാണം. പലരും ഈ സംഭവം ശ്രദ്ധിക്കാതെ ഫോണിൽ നോക്കിയിരിക്കുന്നതും വീഡിയോയിൽ കാണാം.
Kalesh b/w a guy and a Girl Inside “Delhi Metro) – Girl slaps him too hard just think if it was vice-versa😀 pic.twitter.com/Y0RiKeYWem
— Ghar Ke Kalesh (@gharkekalesh) July 3, 2023
“>
വീഡിയോ വൈറലായതോടെ വിവാദങ്ങളും തലപൊക്കി. എങ്ങനെ ഒരാൾക്ക് പൊതുയിടത്ത് ഒരാളെ തല്ലാനാകുമെന്നും എന്ത് കൊണ്ട് ആരും തടയുന്നില്ലെന്നും ഒരുവിഭാഗം ചോദിക്കുമ്പോൾ പെൺകുട്ടിയെ അപമാനിച്ചതിനാകാം മർദ്ദനമെന്ന് മറ്റൊരു വിഭാഗം വാദിക്കുന്നു. ഇരുവരും പ്രണയിതാക്കളാകാമെന്നും അവർ തമ്മിലുള്ള പ്രശ്നമായിരിക്കുമെന്നും മറ്റൊരു വിഭാഗം പറയുന്നു. എന്തായാലും ചർച്ച ചൂടുപിടിച്ചിട്ടുണ്ട്.
