ബാലതാരമായി മിനി സ്ക്രീനിലൂടെ തുടങ്ങിയ ഷാലിൻ സോയ ഇന്ന് ഏവർക്കും സുപരിചിതയാണ്. ബാലതാരമായി സിനിമയിലും അരങ്ങേറിയ താരം ഇന്ന് മുൻനിര നായികനടിമാരിൽ ഒരാളാണ്. സംവിധായിക ആയും തിളങ്ങിയ താരം സിനിമ മേഖയിലെ അണിയറയിലും പ്രവർത്തിക്കുന്നുണ്ട്. ധമാക്ക, അരികിൽ ഒരാൾ, ഡ്രാമ, വിശുദ്ധന്,യാത്ര, മല്ലു സിംഗ് തുടങ്ങിയവയാണ് ശാലിൻ സോയ അഭിനയിച്ച ശ്രദ്ധേയമായ സിനിമകൾ.
സാമൂഹ്യമാദ്ധ്യമങ്ങളിൽ സജീവമായ ശാലിൻ തന്റെ വിശേഷങ്ങളെല്ലാം ആരാധകർക്കായി പങ്കുവയ്ക്കാറുണ്ട്. ഇപ്പോഴിതാ തന്നെക്കുറിച്ച് സോഷ്യൽ മീഡിയയിൽ പ്രചരിക്കുന്ന ഒരു വാർത്തയെക്കുറിച്ചുള്ള പ്രതികരണവുമായി രംഗത്തെത്തിയിരിക്കുകയാണ്. താൻ കമ്മിറ്റഡ് ആയി എന്ന തരത്തിലുള്ള വാർത്തകൾ കാണുന്നുവെന്ന് അവർ പറയുന്നു.
‘സോഷ്യൽ മീഡിയയിൽ അങ്ങിങ്ങായി ഞാൻ കമ്മിറ്റഡ് ആയി എന്ന തരത്തിലുള്ള വാർത്തകൾ കണ്ടു. പലരും നേരിട്ടും ചോദിച്ചു തുടങ്ങി. എന്റെ പ്രിയ സുഹൃത്തുക്കളെ നിങ്ങളിത് വിശ്വസിക്കരുത് ഞാൻ സിംഗിൾ പ്രൊ മാക്സ് ആണ്!’, ശാലിൻ ട്വിറ്ററിൽ കുറിച്ചു.
